2 Samuel 20:21 - Bible Ni Thothup

²¹ Gathi ireram e n’en ni kug puruy’ niged. Be’ nib pumo’on ni Sheba fithingan ni fak Bikri, ni be’ nu daken e ted nu Efraim ni go’ burey, e ke tababnag e togopluw ngak David ni Pilung. Ta’are pumo’on ney e ngam pi’, mug chuweg e salthaw rog ko re binaw ney.” Me ga’ar fare pin, “Bay gon’ed lolugen u daken e yoror nge yib ngom.”

2 Samuel 20:21 Σταυροειδείς Αναφορές

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

2 Samuel 20:2

Ma aram me digey piyu Israel i David ngar uned ngak Sheba, machane pi pumo’on nu Judah e ra pired ni yad ba yul’yul’ ni ur leked David ni ka Jordan nge mada’ nga Jerusalem.

2 Samuel 20:20

Me fulweg Joab, ni ga’ar, “Dariy bi’id! Ri dariy bi’id nugra kirebnag fa gu gathogthay e binaw romed!

2 Samuel 23:18

Abishai e be’ nib pumo’on ni walagen Joab (ni Zeruyah e chitinngirow) e ir e ga’ rok “Fare Guyey i Gilbugwan.” Ya Abishai e cham ko sarey rok ngak dalip mir’ay e salthaw nge thang e pogofan rorad, ma aram me gilbugwan u fithik’ “Fare Guyey.”

1 Kings 11:26

Reb e girdi’ ni cheal nge togopluw ngak Solomon ni Pilung e reb e tolang ni bay u tan pa’, ni aram Jeroboam nib mo’on ni fak Nebat nu Zeredah u lan yu Efraim. Zeruyah ni chitiningin e ke yim’ e pumo’on rok.

2 Kings 10:7

Nap’an ni taw fare gi babyor rok Jehu ngorad, me thang e pi tayugang’ nu Samaria e fan rok fa medlip i ragag i pi owchen Ahab ni gubin, min tay lolgurad ngalan bogi dug, mar pi’ed nge yan ngak Jehu nga Jezreel.

2 Kings 5:22

Me ga’ar Gehazi, “Dangay, masta rog e ke l’ugeg ni nggog ngom ni ka fini yigi taw l’agruw i chonggin e pi profet ni yad ma par u Efraim ni go’ burey. Ba’adag Elisa ni ngam pi’ dalip e biyu’ yang e silber nge ruw wu’ e mad ni bfel’ ngorow.”

Jeremiah 4:15

Pi tamal’og nrabad ko nam nu Dan ngu daken e pi burey nu Efraim e yad be weregthin e n’en ke buch.

Jeremiah 50:19

Bay gu fulweg e girdi’ nu Israel nga taferad. Bay ra ked e gan ni be tugul u daken e burey ni Karmel u lan e nug nu Bashan, ma bay ra ked gubin e tin yad ba’adag ko woldug ni be tugul ko gin nib milsuwon nga Efraim ngu Gilead.

Joshua 24:33

Me yim’ Eleazar nib mo’on ni fak Aron min k’eyag u Gibeah, chi binaw nem e bay u Efraim ni go’ burey nni pi’ ngak Finehas nib mo’on ni fak.

Judges 2:9

Ni chibgiliy u Timnath Serah, ni aram e girok’ e binaw ni bay u Efraim ni go’ burey, ni bay nga lel’och ko burey ni Gaash.

Judges 7:24

Me l’oeg girdi’en e pi mol’og ngranod u ga’ngin yang yu Efraim ni go’ burey ni nge lungurad ngak e girdi’ riy, “Mired nga pe’ning ngam chamgad ngak piyu Midian. Ngam matanagiyed e lul’ ni Jordan nge yu pa’ i lul’ nge yan i mada’ nga Bethbarah, ngam guyed rogon ndabi th’ab piyu Midian nga baraba’.” Min ulunguy e pumo’on nu Efraim ngar matanagiyed e lul’ ni Jordan nge yu pa’ i lul’ nge yan i mada’ nga Bethbarah.

Judges 9:55

Fa’ani guy piyu Israel nike yim’ Abimelek, miyad sul nga taferad.

1 Samuel 24:6

me ga’ar ngak e salthaw rok, “I SOMOL e nge ayuwegneg nge dab gu rin’ ban’en ngak e masta rog ni SOMOL e turguy ni nge mang pilung! Thingar dab gu rin’ bochi ban’en ngak, ya ir fare pilung ni SOMOL e ke turguy!”

1 Samuel 26:9

Machane me ga’ar David, “Ri dab mu maad’ad ngak! SOMOL e ra gechignag e en nra rin’ e kireb ngak e re pilung nike turguy.