2 Samuel 20:15 - Bible Ni Thothup

¹⁵ Me rung’ag e salthaw rok Joab ni bay Sheba u rom, ma aram mranod ra m’aged e mael ko fare binaw. Mar gaded e but’ ko ba’an wuru’ e yoror, mar tababgad i ker tanggin fare yoror ni nge thig nga but’.

2 Samuel 20:15 Σταυροειδείς Αναφορές

2 Samuel 20:14

Me yan Sheba u lan tafen fapi ganong nu Israel ni gubin me yib ngab binaw ni Abel Beth Maacah fithingan, ma gubin chongin fare ke girdi’ rok Bikri nra mu’ulung gad ngar leked i yan ngalan fare binaw.

1 Kings 15:20

Me pining Benhadad ni Pilung e kefel’ ko tin keyog Asa me l’oeg e pi tolang ko salthaw rok nge yu raba’ i salthaw rorad ni ngar maelgad ko pi binaw nu Israel. Miyad kol e binaw nu Ijon, Dan, Abel Beth Maacah, nge fa gin’en nu to’oben e Lipath ni Galilee, nge ga’ngin yang u tafen yu Naftali.

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

2 Kings 19:32

“Ba’aray e n’en nike yog SOMOL ni murung’agen e pilung nu Assyria: ‘Ri dabi yib ngalan e re binaw ney ara pag ta’reb e gan e gat’ing nge yib nga langgin. Ma salthaw ni bay e shield rorad e dab ra chugurgad ko re binaw ney, ma dab ni ubung e malang nge but’ ni nge longobiy e re binaw ney ni ngan mith nga fon ko mael.

Eklesiastes 9:14

Immoy bochi binaw ni de yo’or e girdi’ riy. Me cham ba pilung ngay nib gel gelngin. Nge cholongbiy nge fel’eg rogon ni nge buthug e yoror riy nga but’.

Isaiah 37:33

Ba’aray e thin nike yog SOMOL ni murung’agen e emperor nu Assyria, “Ri dabi yib ngalan e re binaw ney fa pag ta’reb e gan e get’ing nge yib nga langgin, ma salthaw ni kar feked fa yungi shield e dab ra chugurgad ko re binaw ney, ma salthaw rok e dab ra ubunged e malang nge but’ ni nge longobiy e re binaw ney ni ngar mithgad nga fon ko mael.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Jeremiah 33:4

I gag, SOMOL, ni Got rok yu Israel, e gu be yog ni pi naun nu Jerusalem nge tafen e pilung nu Judah e bay ni buthug nga but’ ni fan ko fare mael nge cham.

Jeremiah 6:6

I SOMOL ni Gubin ma Rayag Rok e pi’ e thin rok ko fapi pilung ni ngar th’abed e gek’iy nga but’ miyad ubung e but’ ngar thabey niged yu Jerusalem nge yag nra koledyad. Me ga’ar, “Bay gu gechignag e re binaw ney ni bochan e ngongol rorad nib kireb.

Ezekiel 4:2

Ma aram ma ga dum’midil ni ngam cham ko fare gi rengnga ni susun e rriyul’ nib binaw. Mag ubung e but’ nge taw nga p’ebgul mag longbiy fare gi rengnga ko pi tent rok e pi to’ogor. Gubin raba’ riy ni ngam tay yu lay i ren riy nib ga’ ni susun e aram e ngam buthug nga but’ e garog ko fare binaw.

Luke 19:43

Ya bayi taw nga boch e rran me yib e to’ogor rom ngar cholngobiyed gur ko yoror ni but’ nge malang, mu ur bad i yib ngom u gubin yang.