2 Samuel 20:12 - Bible Ni Thothup

¹² Ma fare ldow rok Amasa, nike ing e racha’, e kaba’ u lukngun e kanawo’. Me guy fare salthaw rok Joab ni bay yib e girdi’ mi nib ntal ngay, ma aram me girengiy fare ldow u kanawo’ ngalan e flang nge upnguy nga bang i blanket.

2 Samuel 20:12 Σταυροειδείς Αναφορές

2 Samuel 17:25

Ma ke tay Absalom i Amasa nga luwan Joab, ni ir e ngi i yog e thin ko salthaw. Mi Jether ni ba Ishmael e chitamngin Amasa; mi Abigail e chitiningin, ni be’ ni bpin ni fak Nahash ma walagen Zeruyah ni chitiningin Joab.)

2 Samuel 2:23

Machane de tal Asahel; ma aram me rugoy Abner e sarey rok nga wuryel, me kuruf e yal rok Asahel nge yan i for u daken keru’. Me aw Asahel nga but’ nike yim’, ma gubin e pi’in nrabad ko rengi n’em nike aw riy nga but’ ma yigo’ ra talgad ngar sak’iygad u rom.

2 Samuel 20:11

Me sak’iy reb e pi salthaw rok Joab nga to’oben fare ldow rok Amasa me tolul ni ga’ar, “Gubin e girdi’ nib fol ngak Joab nge David e ngar leked Joab!”

2 Samuel 20:13

Ma nap’an ni chuweg fare ldow u lane kanawo’, ma gubin e girdi’ ni lek Joab ni ngan lol’oeg Sheba.

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.