2 Samuel 2:7 - Bible Ni Thothup

⁷ Mpired ni gimed ba gel ma dab mu rusgad! Saul ni Pilung romed e ke yim’, ma girdi’ nu Judah e kar gapgep niged gag ni nggu mang pilung rorad.”

2 Samuel 2:7 Σταυροειδείς Αναφορές

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

2 Samuel 10:12

Mu gelnigem mag athamgil! Mman ngad chamgow nib gel ni fan ngak e girdi’ rodow ma fan ko pi binaw rok e Got rodow. Ma tin ba’adag SOMOL e ngan rin’!”

2 Samuel 2:6

Ere SOMOL e nge runguymed ngi i par nib yul’yul’ ngomed. Ku er rogon gag ni bfel’ e tin ni bay ug rin’ ngomed ni bochan e tin ni kam ngongliyed.

2 Samuel 2:8

Fare tolang ko salthaw rok Saul, i Abner nib mo’on ni fak Ner, e kar milgow Ishbosheth ni be’ ni pumo’on ni fak Saul kar th’abew e lul’ ni Jordan kranow nga Mahanaim.

2 Samuel 5:3

Ma aram me yib urngin e pi’in yad be yog e thin rok piyu Israel ngak David nga Hebron. Me ngongliy ba m’ag u thilrad, ni ngongliy u p’eowchen Got, miyad liyef e gapgip nga lolugen ni aram e kar turguyed ni ir e ke mang pilung nu Israel.

2 Kings 11:12

Ma aram me pow’iy Jehoyada i Joash nga wean, me tay fare te’elyaw ko pilung nga daken lolugen, me pi’ bang i babyoren e motochiyel rok e pi’in ma gagiyeg ni pilung. Ma aram min gapgepnag Joash minog ni ir e pilung. Me waywaynag e girdi’ pa’rad mar tolulgad ni be lungurad, “Ngi i par e en ni pilung nib fos nib n’uw nap’an!”

Nehemiah 2:18

Mu gu weliy ngorad rogon ni i par Got rog ngi i ayuwegneg, nge n’en nike yog fare pilung ngog. Miyad fulweg ni lungurad, “Ngad ubunguyed.” Miyad fal’eg rogorad ni ngar tababgad ko maruwel.

1 Korinth 16:13

Mu ayuwgad, mpired ni gimed bmuduwgil u fithik’ e michan’ romed ngak Kristus, dab mu rusgad, mpired ni gimed ba gel.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

1 Samuel 31:12

me yan e tin th’abi falu’ e pumo’on nib polo’ e nep’ nga Beth Shan. Ngarbad ra lufed downgin Saul nge fapi pumo’on ni fak ko rungrung, ngar fulweged nga Jabesh ngar urfiyed u rom.

1 Samuel 31:7

Nap’an ni guy piyu Israel ni yad bay u ba’nem e loway u Jezreel ko ngek ko lul’ ni Jordan nike mil e salthaw nu Israel ma kan li’ Saul nge fapi pumo’on ni pifak, miyad n’ag e pi binaw rorad ngar milgad. Ma aram me yib e pi Filistine ngarbad ra pired ngalan fapi binaw.

1 Samuel 4:9

Filistine, mu athamgilgad ngam chamgad nrogon e pumo’on, ya ra danga’, ma ngad manged sib rok e pi Hebrew, ni bod rogon ni ur pired ni yad e sib rodad. Ere ngad chamgad nrogon e pumo’on!”