2 Samuel 2:1 - Bible Ni Thothup

¹ Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

2 Samuel 2:1 Σταυροειδείς Αναφορές

Genesis 13:18

Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.

Genesis 32:2

Ma fa’ani guyrad me ga’ar, “Baraba’ i salthaw rok Got e picha’ ney”; me tunguy Mahanaim ko gin’em.

2 Samuel 15:7

Aningeg e duw nga tomuren me ga’ar Absalom ngak David ni Pilung, “Gu ba’adag ni nggu wan nga Hebron nggu rin’ bbugithin ni kug micheg ngak SOMOL.

2 Samuel 2:11

me gagiyeg David u lan yu Hebron ngu daken yu Judah ni medlip nge baley e duw.

2 Samuel 5:19

Me fith David ngak SOMOL ni ga’ar, “Bfel’ u wun’um ni gu ra yan gu cham ngak e pi Filistine? Mog, ga ra gagiyegnag ngug gel?” Me ga’ar SOMOL ngak, “Mman, ya bay gu gagiyegnag ngam gel.”

2 Samuel 5:23

Miki fith David SOMOL bayay, me fulweg SOMOL ngak ni ga’ar, “Dab mman u roy ngam cham ngorad, machane ngam liyeg ngam man mu og ngorad u keru’rad, ko fa gin nib chugur ko fa yu ke gek’iy ni balsam.

1 Kings 2:11

I mang pilung u Israel ni aningeg i ragag e duw, medlip e duw e gagiyeg u lan yu Hebron ma guyey nge dalip u lan yu Jerusalem.

1 Kronicles 29:7

e tin ni ba’aray ni fan ko maruwel ko fare Tempel: 190 e ton e gol, 380 e ton e silber, nge 675 e ton e bronze, nge 3,750 e ton e wasey.

2 Kronicles 11:10

Zorah, Aijalon, ngu Hebron.

Psalms 143:8

Mu tay ngan’ug ni gubin e kakadbul e t’ufeg rom ni dabimus, ya kug tay e pagan’ rog ngom. Meybil rog e be yib ngom ngalang; mu dag ngog e kanawo’ ni nggu wan riy.

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Ezekiel 36:37

I SOMOL ni Th’abi Tolang e be ga’ar, “Bay gon’ daken. Bay gu gagiyegnag yu Israel ngar weniggad ngog ni nggu ayuwegrad. Bay gu gagiyeg nagrad ngar pire’ gad ni bod ba ran’ i saf.

Numbers 13:22

Ranod nsom’on ngalan e yimuch ko fare nam marbad u rom nga Hebron, ko gin nma par fa yuke girdi’ ni Ahiman, nge Sheshai, nge Talmai riy, ni yad e pi’in owchen bmit i girdi’ nib n’un’uw ma ba tagiyet ni kanog e Anakim ngorad. (Hebron e sum ni unpar riy ni medlip e duw nga m’on mfin nnib ni par nge sum e binaw nu Zoan u Egypt.)

Numbers 27:21

Bay i toer ngak Eleazar ni prist, mi Eleazar e bay i maruwel ko fare Urim nge Thummim. Ara’ rogon ni bay i pow’iy Eleazar Joshua nge urngin e girdi’ nu Israel u urngin e tin bay ur rin’ed.”

Joshua 15:13

Bang ko fare gi binaw rok Judah e ni pi’ ngak Kaleb nib mo’on ni fak Jefunneh, ni be’ ko fare ganong rok Judah, ya aray rogon ni yog SOMOL ngak Joshua ni nge rin’. I yag yu Hebron ngak, ni fare binaw nib milfan ngak Arba, ni chitamngin Anak.

Judges 1:1

Nga tomuren nike yim’ Joshua me fith e girdi’ nu Israel SOMOL ni lungurad, “Bin ngan ko pi ganong romad e ir e som’on ni nge yan ko mael ngak piyu Kanaan?”

1 Samuel 10:22

miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

1 Samuel 23:2

Ma aram me fith SOMOL ni ga’ar, “Gu ba’adag ni gu ra yan gu cham ko pi Filistine?” Me fulweg SOMOL ni ga’ar, “Mman mu cham ngorad ngam ayuweg yu Keilah.”

1 Samuel 23:4

Ma aram miki fith David laniyan’ SOMOL bayay, me ga’ar SOMOL ngak, “Mman ngam cham nga Keilah, ya bay gu pi’ e pi Filistine nga pa’am.”

1 Samuel 30:31

ngu Hebron. I pi’ e pin’ey nga urngin yang ni ur ranod e salthaw rok riy.