2 Samuel 19:43 - Bible Ni Thothup

⁴³ Me fulweg piyu Israel ni lungurad, “I David ni Pilung e ir bigimed, machane mat’awmad ngak e ba pag e ragag yay ni ba ga’ nga mat’awmed. Mang ni kam changargad ngomad nga but’? Ya gamad e som’on ni gogned ni ngan fulweg David ni Pilung!” Machane pumo’on nu Judah e ba gel e thin nrogned ni murung’agen mat’awrad ngak David ni Pilung ko pumo’on nu Israel.

2 Samuel 19:43 Σταυροειδείς Αναφορές

2 Samuel 19:14

Thin ni yog David e adag urngin e girdi’ nu Judah, miyad pi’ e thin nge yan ngak ni ngar sulod urngin e pi tolang ko salthaw rok.

2 Samuel 19:9

Ma gubin yang u daken e nam nu Israel ni be tugthin e girdi’ riy ni be lungurad, “I David ni Pilung e chuwegdad u tan pa’ e pi to’ogor rodad. I ayuwegdad rok e pi Filistine, machane chiney e ke mil rok Absalom ke chuw ko binaw.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

2 Samuel 20:6

Ma aram me ga’ar fare pilung ngak Abishai, “I Sheba e ra pi’ boch e magawon ngodad nib gel boch ko tin nike pi’ Absalom. Mu fek e salthaw rog ngam leked i yan, ya fa’anra danga’ mra yan i par ngalan boch e binaw ni kan yororiy nib tolang ni fan ko mael me thay u pa’dad.”

2 Samuel 5:1

Me yib urngin e pi ganong nu Israel ngak David u Hebron me lungurad ngak, “Gamad e girdi’ ko nam rom.

1 Kings 12:16

Ma fa’ani nang e girdi’ ni fare pilung e dabi motoyil ngorad, miyad tolul ni lungurad, “Kad math’gad David nge tabinaw rok! Mang e ren’en ni bfel’ ni kar rin’ed ngodad! Gadad yu Israel, e ngad sulod nga tafedad, me par Rehoboam rok nge mang ir e i ayweg ir!” Aram rogon ni togopluw yu Israel,

Proverbs 13:10

Tolngan’ e go’ oloboch e ma fek i yib. Kab gonop e en ma fith e fnow.

Proverbs 15:1

Fulweg ku be’ nib sumunguy e ma chuweg e damumuw, ma fulweg u fithik’ e thin nib gel e ma k’aring e damumuw.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Proverbs 18:19

Mu ayuweg pibe’ rom ma yad ra ayuwegnem ni bod e yoror u bbinaw nib gel, machane fa’anra um tugthin ngorad, ma yad ra ning e mab rorad ngom.

Roma 12:21

Dab mu paged e kireb nge gel ngom; machane ngam ngongliy e ngongol ni bfel’ ngam gel ngak e kireb.

Galatia 5:15

Machane fa’anra um ngongolgad ni bod e gamanman ni malboch ni gimed be kirebnag lanin’med ma gimed be gafgow nagmed, me ere ngam ayuwgad, ya bay mu li’ed gimed ngam m’ad.

Galatia 5:20

nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;

Galatia 5:26

Ma thangri dab da ufanthin gad, ara i k’aring bagadad e damumuw ngak bagadad, ara i awan’ bagadad ngak bagadad.

Filippi 2:3

Dabi suk’ ngan’med ni ngam muruwliyed ban’en ni gimed e ngam m’onod riy ni fan e nganogmed riy ni gimed e soromed, ara bochan e nge yib ufan ngomed; machane nge bigimed me sobut’nag ir, ma dabi finey bigimed ni ir e ba sorok ngak e tin ni kabay e girdi’.

James 1:20

Ya damumuw rok e girdi’ e dar ma ayuweg e girdi’ nge yag nra ngongliyed e tin nib mat’aw ni ir e be finey Got.

Judges 8:1

Me ga’ar e pumo’on nu Efraim ngak Gideon, “Mang ni mman ni ngam cham ngak piyu Midian ma da mpiningmad? Mang ni kamyodor nagmad?” Ba gel e gun’gun’ nra ted ni bochan e ren’em.

Judges 9:23

Me l’oeg Got ba to’ogor nga thilin Abimelek nge pi pumo’on nu Shekem ngu’ur togopaluwgad ngorad.