2 Samuel 19:19 - Bible Ni Thothup

^19-20 me ga’ar, “Pilung rog, wenig ngom, mpag talin e tin nib kireb ni gu rin’ ngom ko fa rofen ni mu chuw u lan yu Jerusalem. Dab kum togopluwnag ngog ara mu leamnag. Gu manang ni kug denen, aram fan ni gag e som’on e daba’ ni ku gub ko pi ganong ni bay ko lel’och ni ngad mada’gow.”

2 Samuel 19:19 Σταυροειδείς Αναφορές

2 Samuel 13:20

Nap’an ni guy Absalom fare pin ni walagen me fith ngak ni ga’ar, “Mog, ke gafgow nigem Amnon? Walageg, wenig ngom, dab mu pag nge gafgownag lanin’um nge elmarin. Ya cha’anir e walagem ni pumo’on ya ta’reb e chitamangimew, ere dabmog ngak be’.” Ma aram me par Tamar u naun rok Absalom ni go’ ir ni kari gafgowan’ ngak.

2 Samuel 13:33

Ere dabi mich u wun’um e re thin nir ni gubin i pifakam ni pumo’on ni karm’ad; ya kemus ni go’ Amnon e kan li’ ke yim’.”

2 Samuel 19:18

Miyad th’ab e lul’ nga ba’nem ngar chaggad ngak e pi’in yad be un ngak David ni Pilung ma ngar rin’ed e tin ba’adag David ni Pilung. Nap’an ni be fal’eg David ni Pilung rogon ni nge th’ab e lul’, me yib i paraw Shimei u p’eowchen nga but’

Psalms 32:2

Ba felan’ e en ndakir yog SOMOL ngak ni be rin’ e kireb; ma kar waergow urngin mit e sabanban.

Psalms 79:8

Dab mu gechig nagmad ni bochan e pi denen ko pi chitamangimad kakrom. Mu runguymad e chiney; ya dakriy e lagan’ romad ngabang.

Eklesiastes 10:4

Fa’anra damumuw e en nib ga’ rom ngom, ma dab mu pi’ babyorem ni ngam tal ko maruwel; ma tin ni rib kireb ni ka mu rin’ e rayag ni ngan pithgem riy ni fa’anra mu th’ab gulngam.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Numbers 12:11

me ga’ar ngak Moses, “Wenig ngom, dab mu pagmow nggu gafgowgow ko re gechigney ni fan e balyang romow.

Matthew 27:4

ni be ga’ar, “Kug denen, ya kug yagnag be’ nib mo’on ndariy ban’en nike kirebnag ni ngan li’ ngem’!” Miyad fulweg ngak ni lungurad, “Dariy rogon e tin ngomad, ya gur e bay rogon ngom!”

2 Korinth 5:19

Gamad be machibnag ni Got e be m’ag e tafager ngak urngin e girdi’ u daken Kristus. I Got e daki tay u wan’ e denen rorad, ma ke pi’ e thin riy ngomad ngarogon nra ngongliyrad ngar manged pi tafager rok.

1 Samuel 22:15

Errogon, gu fith laniyan’ Got ni fan ngak, ni gathi ireram e som’on. Ma makath nib tagopluw ngom, i gur Pilung e thingar dab mu tay e bug nir e thin nga dakenag fa be’ u lan e tabnaw rog. Ya dariy ban’en riy ni gumnang!”

1 Samuel 25:25

Wenig ngom, dab mu telim ngak Nabal, ya ir e dariy ban’en ni bfel’ ngay! I ir e ri de thilthil nge fan fithingan — ni balyang! Siro’, da ugmoy u rom ko ngiyal’ ni taw e pi tapigpig rom.

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”