2 Samuel 19:14 - Bible Ni Thothup

¹⁴ Thin ni yog David e adag urngin e girdi’ nu Judah, miyad pi’ e thin nge yan ngak ni ngar sulod urngin e pi tolang ko salthaw rok.

2 Samuel 19:14 Σταυροειδείς Αναφορές

2 Samuel 17:25

Ma ke tay Absalom i Amasa nga luwan Joab, ni ir e ngi i yog e thin ko salthaw. Mi Jether ni ba Ishmael e chitamngin Amasa; mi Abigail e chitiningin, ni be’ ni bpin ni fak Nahash ma walagen Zeruyah ni chitiningin Joab.)

2 Samuel 20:4

Me ga’ar fare pilung ngak Amasa, “Mu pining e pi pumo’on nu Judah nga ta’bang ma nge langleth ma kam tawgad e ngaray.”

2 Samuel 22:44

Kam ayuwegneg u pa’ e girdi’ ko nam rog nra togopluwgad ngog, kam teg ni gag e gu be gagiyegnag e pi nam; girdi’ ni ug par nda gu nang owcherad e gag e gu be gagiyeg nagrad e chiney.

2 Samuel 3:9

Ke micheg SOMOL ngak David ni bayi chuweg e gagiyeg ko pilung u pa’ Saul nge pi’in owchen me tay David nge mang pilung nu Israel ngu Judah, ni mus u baley fare nam nge thang nga baley. Ere chiney e mang e yigi li’eg Got nggum’ ni fa’anra dab gu muruwliy ni nge yib i m’ug e re bug i thin ney nib riyul’!”

2 Samuel 5:1

Me yib urngin e pi ganong nu Israel ngak David u Hebron me lungurad ngak, “Gamad e girdi’ ko nam rom.

Acts 4:32

Me yan i par ni pi’in ke mich Jesus u wun’rad e ke ta’reban’rad. Ma dariy bagayad ni be yog ni tin bay rok ban’en e go ir e fen, machane urngin ban’en ni bay rorad e ur ayuweged yad ngay ni yad gubin.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.