2 Samuel 19:10 - Bible Ni Thothup

¹⁰ Kad gapgep niged Absalom kemang pilung rodad, machane kan li’ u fithik’ e mael. Ere mang ndabi guy be’ rogon nge yan i pining David nge sul ko pilung?”

2 Samuel 19:10 Σταυροειδείς Αναφορές

2 Samuel 15:14

Me ga’ar David ngak urngin e pi tolang ni yad bay rok u Jerusalem, “Thingar da milgad e chiney ni fa’anra gadad ba’adag ni ngad thaygad u pa’ Absalom! Mu gurgad, ya ri da ginigad ma ke taw nge gel ngodad, me li’ urngin e girdi’ u lan e re binaw ney!”

2 Samuel 15:16

Me un e girdi’ nu tabinaw rok David ni Pilung ngak, nge pi tolang rok ngranod, kemus ni ragag e ppin rok e pag u tabinaw rok ni tafen e pilung ni ngu’ur ayuweged e naun.

2 Samuel 18:14

Me ga’ar Joab, “Dab ku gu adbey e tayim rog ngom.” Me fek dalip e sarey nge yan i pag nga ngorongoren Absalom ni kabfos, nike gafgaf u pa’ngin fare ke gek’iy ni oak.

2 Samuel 19:11

Pi thin nem ni i weliy e girdi’ nu Israel e rung’ag David. Ma aram me l’oeg fa gal prist ni aram Zadok nge Abiathar ni ngar fithew e pi’in yad be yog e thin u Judah ni nge lungurow, “Mang ni gimed e ngam pired ni gimed e th’abi tomur ni ngam muruwliyed ni nge sul e en ni pilung nga tafen e pilung?

2 Samuel 19:40

Nap’an nike th’ab David ni Pilung e lul’ nga baraba’ nike un urngin e pumo’on nu Judah ngak, nge baley ko pumo’on nu Israel, me yan u rom nga Gilgal me un Chimham ngak.

2 Samuel 19:9

Ma gubin yang u daken e nam nu Israel ni be tugthin e girdi’ riy ni be lungurad, “I David ni Pilung e chuwegdad u tan pa’ e pi to’ogor rodad. I ayuwegdad rok e pi Filistine, machane chiney e ke mil rok Absalom ke chuw ko binaw.

Hosea 8:4

“Pi girdi’eg e yad be turguy ko mini’ e nge pilung, machane yad rorad e yad be yodrom. Yad ma turguy ko mini’ e nge mang mit e thin, machane darir paged ni nge mang gag e gog rogon. Yad be fek e silber nge gol rorad ngar ngongliyed e pi liyos ngay — ni riya’ e ra yib riy ngorad.

Judges 18:9

Me lungurad, “Mired, ngdarod da maelgad ngak yu Laish. Kug guyed e re nam nem, ma rib manigil. Dab ku mu pired u roy ndariy ban’en ni gimed be rin’; mpapeygad! Mmarod nga langgin ngam koled!