2 Samuel 18:28 - Bible Ni Thothup

²⁸ Me non Ahimaaz ni ba ga’ laman ni ga’ar ngak e en ni pilung, “Kabfel’ rogon urngin ban’en!” Me paraw nga but’ u p’eowchen David ni Pilung me ga’ar, “Ke sorok SOMOL ni Got rom, ya ke gagiyegnag kam gel ngak e pi’in ni kar togopluwgad ngom!”

2 Samuel 18:28 Σταυροειδείς Αναφορές

Genesis 14:20

I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.

Genesis 24:27

ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”

2 Samuel 1:2

Me reb e rran riy me taw be’ nib pagel ni yib ko gin ni ba’aram ni n’uf Saul nge pi salthaw rok e tent rorad riy ngar pired riy. Ma ke guchthuy e mad u daken, ma ke tay e but’ nga fithik’ i lolugen, ni aram e be dag ni kari kireban’. Me yib ngak David me yib i siro’ ngak ni aram e ke tay fan David.

2 Samuel 14:4

Me yan fare pin ngak fare pilung, me yan i siro’ ngak ni be tayfan, me ga’ar, “Mu ayuwegneg, Gur e en ni Pilung!”

2 Samuel 22:27

Pi’in nib machalbog e gab thothup u wun’rad, ma pi’in kireb e ga be par ndar fel’gad u wun’um.

2 Kronicles 20:26

Me yan i gaman aningeg fen miyad mu’ulung ngalan e loway ni Berakah ngar pininged e sorok ngak SOMOL ko urngin e tin ke rin’. Aram fan ni yima yog fithingan e re loway nem ni “Berakah.”

Psalms 115:1

Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 124:6

Ngad pininged e magaer ngak SOMOL, ya de pag e pi to’ogor rodad ngar thanged gadad.

Psalms 31:8

Ma dawor mu pi’eg nga pa’ e pi to’ogor rog; kam pi’ matwog ni nggu waen ko gin gu be finey.

Exodus 18:10

Me ga’ar Jethro, “Ngu’un pining e sorok ngak SOMOL, ya ir e en nike chuwegmed u pa’ Farao ni pilung nge piyu Egypt! Ngu’un pining e sorok ngak SOMOL ya ir e ke chuweg e girdi’ rok ko sib ni ur ted!

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,

1 Samuel 24:18

Daba’ e kamdag ngog rogon feni fel’ e tin ga be rin’ ngog, ya yugu aram rogon ni pi’eg SOMOL nga pa’am ma da mu thang e fan rog.

1 Samuel 25:23

Nap’an ni guy Abigail David, me papeynag ir nge og nga but’ nge yan i paraw nga daken e but’

1 Samuel 26:8

Me ga’ar Abishai ngak David, “Ke tay Got e en to’ogor rom ngalan pa’am e nep’ ney. Ere mpaggeg nggu rugoy e sarey rok ngak, nggu michgiy u but’ nri ta’abyay — dabiman e l’agruw yay ni nggu rugoy!”