2 Samuel 18:18 - Bible Ni Thothup

¹⁸ Nap’an ni kabfos Absalom me ubung ban’en nib tolang ni ngi i puguran Absalom ngak e girdi’, ni ubung u lan fare loway ni Loway ko Pilung fithingan, ya dariy fak ni pumo’on nra par nge mang puguran rok ngak e girdi’. Me tunguy fithingan ngay, ere ke mada’ ko bin daba’ e rran ma yima pining fithingan ni Puguran rok Absalom.

2 Samuel 18:18 Σταυροειδείς Αναφορές

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”

Genesis 11:9

Fithingan e re binaw nem nra toyed e naun ngay ni pire’ e yu Babylon, fithingan, ni fan e u rom e athkuy SOMOL e thin rok urngin e girdi’ riy, mu rom e weregrad riy nga gubin yang u fayleng.

Genesis 14:17

Fa’ani sul Abram nike gel ngak Kedorlaomer nge tin ba’aram e pilung ni yad, me yan e pilung nu Sodom i sonnag ngalan e Loway u Shaveh (ni ku yima yog fithingan ni Loway rok e Pilung).

2 Samuel 14:27

Absalom e dalip e pagel ni fak nge reb e bpin nrib pidorang ni Tamar fithingan.

Psalms 109:13

Mang e yigi math mit e pi’in owchen, mang e yigni pagtalin fithingan u lan e bin bayib e mfen.

Psalms 49:11

Yad be leamnag ni pi naun rorad e bayi par ni dariy n’umngin nap’an; nu rom e bay ra pired riy ni gubin ngiyal’ yad be tunguy fithingrad ko yungi binaw ntaferad.

Isaiah 22:16

“I gur mini’ ni ga be leamnag? Bu uw matwom ni ngam ker e gin ngan k’ayagem riy nga barba’ fare burey ni go’ war?

Jeremiah 22:30

“Re mo’on ney e ka ni gechignag ni nge math owchen pifak, me par ni be’ ni dabi pir’eg taban ba ragreg. Dariy reb i owchen nra gagiyeg u Judah ni nge yin’ luwan David. I Gag SOMOL e gu be non.”

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Numbers 32:42

I Nobah e cham nge kol yu Kenath nge binaw u langgin, me thilyeg fithingan nge tunguy ngachlen ngay ni Nobah.

1 Samuel 15:12

Ma reb e rran riy nri kakadbul me yan ni be changarnag Saul. Me rung’ag nike yan Saul ko fare binaw nu Karmel, ma ke ubung e malang u rom ni ban’en ni nge guy e girdi’ miyad leamnag Saul, ke mu’ ma ke yan nga Gilgal.