2 Samuel 17:14 - Bible Ni Thothup

¹⁴ Me ga’ar Absalom nge urngin piyu Israel, “Kabfel’ e tin keyog Hushai ko tin keyog Ahithofel.” Ma aram e SOMOL e ke duwgiliy ni nge dab ni rin’ e tin ni bfel’ nike yog Ahithofel, ya nge yib e riya’ ngak Absalom.

2 Samuel 17:14 Σταυροειδείς Αναφορές

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”

2 Samuel 15:34

Machane ra mu sul ngalan binaw nge lungum ngak Absalom, ngu’ug pigpig ngom ni bod rogon ni ug pigpig ngak e chitamam, ma aram e rayag ni ngam ayuwegneg, ya ra um togopluw ko fonow ni be tay Ahithofel ngak Absalom.

2 Samuel 16:23

Tin ni i yog Ahithofel u lan e pi rran nem e un fol riy ni gowa thin rok Got; i fol David nge Absalom riy.

2 Kronicles 10:15

I gagiyegnag SOMOL ni Got nge yan i aw ni aram rogon ya nge yib i m’ug nib riyul’ e tin ni yog ngak Jeroboam nib mo’on ni fak Nebat u l’ugun Ahijah ni profet nu Shiloh. Aray fan nde motoyil fare pilung ngak fapi girdi’.

2 Kronicles 10:8

Machane de fol Rehoboam ko fonow rok fapi pumo’on me yan ngak e pi’in pagel nra ilalgad u ta’bang ma yad e ka ra manged e pi tafonow rok e ngiyal’nem.

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

2 Kronicles 25:20

Machane me turguy Amaziah u wan’ ndabi motoyil. Mm’agan’ Got ngay ni nge waer Amaziah ni bochan e ke tayfan e pi liyos ni got nu Edom.

Nehemiah 4:15

Me rung’ag e pi to’ogor rodad ni kadnanged e tin kar makath niged, miyad nang u wun’rad nike kirebnag Got e tin ni karpuruy’ niged. Ma aram magdad sul ngad ubungiyed fare yoror.

BABYOR NI JOB 12:17

Ir e ma chuweg e gonop rok e pi tagagiyeg mma gagiyegnag e pi’in yad ma yog e thin ngu’ur ngongoliyed e ngongol ko balyang.

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Lamentations 3:37

Tiriggil rok Somol e gubin ngiyal’ nma yan ni bfel’ rogon ni dabiyag i thilyeg.

Amos 9:3

Ma yad ra mith u daken p’ebugul e burey ni Karmel, ma gu ra gayrad nggu kolrad. Ma yad ra mith rog nga t’ay e regur, ma gu ra yog ko kokow nu maday nge k’adrad.

Luke 16:8

Ma fa’anem nib sabanban ni ir e ma kol babyoren e chugum rok fare masta e yog fare masta e sorok ngak ko sasalap ni be tay; ya girdi’ nu roy u fayleng e kab gel farad sasalap u rogon ni yad ma gagiyegnag e tirorad ban’en ko girdi’ ni yad girdi’en e tamilang.”

1 Korinth 3:19

Ya n’en ni be tafinaynag e pi’in nib mil farad ko re fayleng ney ni aram e gonop, e bm’ay fan u p’eowchen Got. Ni bod rogon ni be yog e babyor nib thothup ni be ga’ar, “Gonop nge llowan’ rok e girdi’ e ir e ma maruwel Got ngay nge mang wup ngak e girdi’ ”;

Deuteronomy 2:30

“Machane de pagdad Sihon ni Pilung ngdarod u lan e nam rok. Ya SOMOL ni Got romed e ke gelnag laniyan’ fare pilung be togopluw. Ni bochan e nge yag ni ngad gelgad ngak ngad tafned tafen ni ir e kagdad be par riy.

Joshua 11:20

Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.