2 Samuel 17:12 - Bible Ni Thothup

¹² Ya nga yigi da’da’ David ma kad oggad ngak ko gin ni bay da pir’eged riy. Me ir nge salthaw rok e dariy bagayad nra fos.

2 Samuel 17:12 Σταυροειδείς Αναφορές

1 Kings 20:10

rok Benhadad: “Gu ra fek urngin e pumo’on ni ba gaman ni nge gathay e re binaw rom nir miyad fek chabungen ngalan pa’rad. Mang e yigi li’eg e pi got nggum’ ni fa’anra dab gu rin’.”

2 Kings 18:23

Mogned ngak Hezekiah ni lungumed, ba’aray rogon ni nggog ngom u fithingan e pilung rog nu Assyria: Bay gu pi’ l’agruw biyu’ e os ngom ni fa’anra bay aram urngin e pumo’on rom ni ngranod riy.

2 Kings 19:24

Kamog e thin ko ufanthin ni kam ker e luwed u lan boch e nam ma kam unum e ran riy, ma rifrifen ay e salthaw rom e krot’ed lan e lul’ ni Nile kem’ay e ran riy.

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Obadiah 1:3

Tolngan’ rom e ir e ke ban nigem. Tochuch rom e kan yororiy ko war nib el; tafnam e bay ngalang u fithik’ e pi burey, ma kam ga’ar u wun’um, ‘Mini’ e rayag rok ni girngiyeg nga but’?’

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

1 Samuel 23:23

Mu gayed ngam pir’eged e yungi n’en nriyul’ ni i mith riy, ma dabisiy ni ngam fulweged e thin riy ngog ni papey. Ma aram e bay gu un ngomed, ma fa’anra kabay ko gi nug nem, ma bay gu tuluf nggu kol, ndemturug rogon machane gu ra gey u lane e re nam nem nu Judah ni ga’ngin.”