2 Samuel 16:9 - Bible Ni Thothup

⁹ Mi Abishai, ni Zeruyah e chitiningin e ga’ar ngak David ni Pilung, “Pilung, mang ni kam pag e re pilis nem be yog e thin nib kireb ngom? Mol’ogeg nggu wan gu th’ab k’angan!”

2 Samuel 16:9 Σταυροειδείς Αναφορές

2 Samuel 19:21

Abishai, ni Zeruyah e chitiningin e non ni ga’ar, “Shimei e susun e ngan li’ ngem’, ya yog e thin nib kireb ngak e en ni SOMOL e turguy ni nge mang pilung.”

2 Samuel 19:22

Me ga’ar David ngak Abishai nge Joab ni walagen Abishai, “Mini’ e ke fith ngomew lanin’mew? Mognew, gimew be finey ni ngam fekew gag ko kireb? I gag e en ni pilung u Israel e chiney, ere dariy be’ u Israel ni ngan li’ e daba’.”

2 Samuel 3:30

Ere Joab nge Abishai ni walagen ni pumo’on e ra falbiyen walagrow i Asahel ni li’ Abner u tan e mael u Gibeon.

2 Samuel 3:8

Ran’ey e ri k’aring e damumuw nib gel ngak Abner, me ga’ar, “Ga be leamnag ma gura sasalap ngak Saul? Gabe leamnag ma yu Judah e gube pigpig ni fan ngak? Ka som’on mug bepar ni gub yul’yul’ nga urngin e tin nib l’ag rogon ngak e chitamam i Saul, nge pi walagen ni pumo’on, nge pi fager rok, ma kug ayuwegmed ni degel David ngomed; ma ke daba’ ma kamog ni kam pir’eg thibngig ni murung’agmow be’ ni bpin!

2 Samuel 9:8

Me siro’ Mefiboseth bayay me ga’ar, “Ta’reb rogomow ba pilis nib yam’! Ere mang ni ngam t’ufegeg ni er gelngin?”

Exodus 22:28

“Dab mu yabi’iy Got, ma dabmog ni nge buch wa’athan e cha’ nma gagiyeg nagmed.

Luke 9:54

Ma fa’ani guy James nge John ni gachalpen Jesus ni aram rogon me lungurow, “Somol, ga ba’adag ni nggu piningew e nifiy nge yib u tharmiy nga but’ nge li’rad?”

Acts 23:5

Me fulweg Paul ni ga’ar, “Pi walageg, da gu nang ni ir e Prist ni Th’abi Ga’; ya gu manang nike ga’ar e babyor nib thothup, ‘Thingar dabmog ban’en nib kireb ngak be’ ni ir e be tay murung’agen e girdi’ ko nam rom.’ ”

1 Peter 2:17

Mi gimed tayfan urngin e girdi’, ma nge t’uf romed e picha’ ni gimed nike mich Got u wun’rad, nge yib madgun Got u wun’med, mi gimed tayfan e en ni ir e Emperor ni ga’.

1 Samuel 24:14

Pilung nu Israel, a mu guy e ren’en ni ga be guy rogon ni ngam li’ ngem’! Mu sap ko ren’en ni ga be lol’oeg! Ba pilis nib yam’, ara ba yanuk!