2 Samuel 16:10 - Bible Ni Thothup

¹⁰ Me ga’ar David ni Pilung ngak Abishai nge Joab ni walagen Abishai, “Gathi gimew e ngam leam nigew e tinir. Fa’anra yog e thin nib kireb ngog ni SOMOL e ke gagiyegnag, me mini’ e bay mat’wun ni nge fith ko mangfan nike rin’?”

2 Samuel 16:10 Σταυροειδείς Αναφορές

Genesis 50:20

Mu puruy’ niged ni ngam ngongliyed e kireb ngog, machane me yib Got ngay nge pingeg nga daken e fel’ ni fan e nge ayuweg e pogofan rok e girdi’ ni pire’, ni pi’in ka yad bafos e bin daba’ e rran ni bochan e tin mu rin’ed ngog.

2 Samuel 19:22

Me ga’ar David ngak Abishai nge Joab ni walagen Abishai, “Mini’ e ke fith ngomew lanin’mew? Mognew, gimew be finey ni ngam fekew gag ko kireb? I gag e en ni pilung u Israel e chiney, ere dariy be’ u Israel ni ngan li’ e daba’.”

2 Samuel 19:23

Me ga’ar ngak Shimei, “Nggu micheg ngom ndab kun thang e pogofan rom.”

2 Samuel 3:39

Yug aray rogon ni gag e pilung nike mel’egeg Got, ma kug thamiy ni kug me’waer e daba’. Pi pumo’on ney ni pifak Zeruyah e kay gur tharthargad. Mang e yigi gechignag SOMOL e pi girdi’ ni kireb ney nib m’ag nga rogon e kireb rorad!”

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

1 Kings 2:5

“Ku ba’aray ban’en ni nggog. Ga manang faram e n’en ni rin’ Joab ngog ni fa’ani thang e pogofan rok fa gali pilungen e salthaw nu Israel, ni Abner ni fak Ner nge Amasa ni fak Jether. Ga manang ni fa’ani thang e fan rorow ko ngiyal’ ni ba’aram ndakuriy e mael, ni rin’ ni puluwon e pogofan nthang u nap’an e mael. Ke thang e pogofan rok e girdi’ ni dawor ra bucheged ban’en, i gag e ke aw ngog e n’en ni rin’ ma kug gafgow u wenigan nike aw ngog.

2 Kings 18:25

Gabe leamnag nikug mael ko nam rom kug kirebnag nde ayuwegneg SOMOL? I SOMOL e ir e yog ngog ni nggu mael ko nam rom nggu kirebnag.”

BABYOR NI JOB 9:12

Ma fek e tin ba’adag, ma dariy be’ nrayag ni taleg; ma dariy be’ ni m’ath dugwan rok ni nge fith ngak ni nge ga’ar, “Ba mang e ga be rin’?”

Psalms 39:9

Bay gu th’ab gulngag, ni ta’ab bugithin ma dab gog, ya gur e kam teg ni ngug gafgow ni aray rogon.

Eklesiastes 8:4

Mithmith ko pilung e bay gelngin, ma dariy be’ nrayag ni nge togopluw ko n’en ni be rin’.

Lamentations 3:37

Tiriggil rok Somol e gubin ngiyal’ nma yan ni bfel’ rogon ni dabiyag i thilyeg.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Matthew 16:23

Me cheal Jesus u luwan nge yog ngak Peter ni ga’ar, “Satan, mu chuw rog! Ya kam dibchay u kanawo’ rog, ya leam ni ga be tay e leam rok e girdi’, ma gathi leam rok Got.”

Matthew 8:29

Ka chingiyal’ nem miyow tolul ni be lungurow, “Fak Got, mang e kam finey ni ngam rin’ ngomow? Ka mub ni ngam gechig nagmow u m’on ko ngiyal’ ni bay ni gechig nagmow riy?”

John 18:11

Me ga’ar Jesus ngak Peter, “Mu sulweg e saydon rom nga tafen! Ga be finey ndab ku gu unum e n’en ni bay ko fare kap ni aram e gafgow nike pi’ e Chitamag ngog?”

Roma 9:20

Machane gur mini’ ni ngam fulweg lungun Got, yi gur e kemus ni gab girdi’? Ba rume’ nni ngongliy ko but’ e der ma ga’ar ngak e en ni ngongliy, “Mangfan ni mu ngongliyeg ni aray rogog?”

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.