2 Samuel 15:28 - Bible Ni Thothup

²⁸ Bay gu son u lan e loway ko gin ni yima th’ab e lul’ riy nga baraba’ nge yan i mada’ ko ngiyal’ ni bayi taw e thin romed ngog.”

2 Samuel 15:28 Σταυροειδείς Αναφορές

2 Samuel 15:23

Ma nap’an ni yan e tirok David e girdi’ me pag e girdi’ lamrad ngalang ngar yorgad. Me yan David ni Pilung i th’ab e lul’ ni Kidron nge yan ni be sor nga daken e ted, miki rin’ e pi’in yad be un ngak ni aram rogon.

2 Samuel 15:29

Ma aram me fek Zadok nge Abiathar fare Kahol Ko M’ag ngar fulwegew nga Jerusalem miyow par u rom.

2 Samuel 16:2

Me fith David ni Pilung ngak ni ga’ar, “Mang e ngam rin’ ko pin’ir ni er urngin?” Me ga’ar Ziba, “Pi dongki ney e nge af girdi’en e tabinaw rom nga daken, ma flowa nge wom’ngin e gek’iy e nge kay e girdi’ nike un ngom, ma pi wayin ney e fan ngorad ko ngiyal’ ni kar magaergad u daken e ted.”

2 Samuel 17:1

Me ga’ar Ahithofel ngak Absalom, “Mu l’oegeg nggu mel’eg 12,000 e pumo’on mu gu wan nggu lol’oeg David e nep’ ney.

2 Samuel 17:16

Me ul ul Hushai ngay ni ga’ar, “Mu gurgow e chiney ngam pi’ew e thin nge yan ngak David nge dabi par e nep’ ney ko gin yima th’ab e lul’ riy u daken e ted, machane nge th’ab e lul’ ni Jordan nga baraba’ ni papey, nge dabiyag nkolrad e tirok e salthaw ngan li’rad ni yad gubin.”

Joshua 5:10

Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.