2 Samuel 15:21 - Bible Ni Thothup

²¹ Me fulweg Ittai ni ga’ar, “Gu be micheg ngom u daken fithingan SOMOL ni gubin ngiyal’ ni bay ug un ngom ndemturug e gin ni ga be yan riy i yan, ni mus ni fa’anra ngad m’ow.”

2 Samuel 15:21 Σταυροειδείς Αναφορές

2 Samuel 15:22

Me ga’ar David, “Kefel’. Mman!” Ma aram me yan Ittai nike un urngin e tirok e girdi’ ngak nge girdi’en e tabinaw rorad.

2 Kings 2:2

ma nap’an ni yow be yan me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Bethel.” Machane me ga’ar Elisa, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Bethel.

2 Kings 2:4

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Jeriko.” Machane me fulweg Elisa ni ga’ar, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Jeriko.

2 Kings 2:6

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan ko lul’ ni Jordan.” Me fulweg Elisa ni ga’ar, “Rogon feni bmich’ ni gub yul’yul’ ngak SOMOL nge gur, e aram feni bmich ndab gu pagem.” Ma aram mi yow yan,

2 Kings 4:30

Me ga’ar fare pin ngak Elisa, “Rogon feni riyul’ ni gub yul’yul’ ngak SOMOL ni be par nib fos nge gur e erfeni dab gu pagem!” Ma aram me un Elisa ngak fare pin ngar sulow.

Proverbs 17:17

Pi tafager e gubin ngiyal’ ni yad ma dag e t’ufeg rorad. Mang gam’ingin e walag ni fa’anra dab ra puruy’ niged e gafgow rorad.

Proverbs 18:24

Boch e pi tafager e der ma par thilrad ni bfel’ nib n’uw nap’an, ma boch e pi tafager e ka ba gel farad yul’yul’ ngak e walag.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

2 Korinth 7:3

Dagur yog e re bugithin ney ni gu be turguy e kireb nga dakenmed; ya bod ni kugog ko som’on, nri gimed ba t’uf romad ni gubin ngiyal’ ma gimed bay u lanin’mad, ndemturug ko gamad ba fos fa gamad ra yin’.

1 Samuel 20:3

Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”

1 Samuel 25:26

I SOMOL e ke tem ni dawor mu sulweg taban e kireb ngam thang e fan rok e pi to’ogor rom. Ma chiney e gu be micheg ngom u fithingan SOMOL ni be par nib fos ni pi to’ogor rom nge urngin e pi’in yad ba’adag ni ngar rin’ed ban’en ngom nib kireb e bay ni gechig nagrad ni bod Nabal.