2 Samuel 15:20 - Bible Ni Thothup

²⁰ Dawori n’uw nap’an ni ka mub ngaray, ere mang ni ngam un ngog ngu’ud milgow i yan? Ya da gu nang e gin ni gu be sor ngay. Mu fek e girdi’ ko nam rom ngam sulod, ma SOMOL e ngi i gol ngom ma be yul’yul’ ngom.”

2 Samuel 15:20 Σταυροειδείς Αναφορές

2 Samuel 2:5

me tay e thin nga l’ugun boch e pumo’on nge l’oegrad ngaram ni ngranod ra ga’argad ngak e girdi’ nu rom, “I SOMOL e nge fal’eg wa’athmed ni bochan e kam daged rogon fanmed yul’yul’ ngak e pilung romed ya kam k’eyged.

2 Samuel 2:6

Ere SOMOL e nge runguymed ngi i par nib yul’yul’ ngomed. Ku er rogon gag ni bfel’ e tin ni bay ug rin’ ngomed ni bochan e tin ni kam ngongliyed.

Psalms 25:10

Ma pow’iyrad i yan ni yad ba t’uf rok ma ba yul’yul’ ngorad, ni urngin e pi’in yad ma falwok ko motochiyel rok ma yad ma fol ko tin ni yog.

Psalms 56:8

Gamnang feni gel e gafgow ni gu be tay; ka mu yoloy gubin gaf i lu’ag nike map’. Dariy u babyor rom ni ka mu yoloy?

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

Psalms 59:15

ni bod e pilis ni yad be deraw i yan ni bochan e ggan ma yad be tolul ni fa’anra de gaman e tin kar pir’eged.

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

Psalms 61:8

Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

Proverbs 14:22

Ra pagan’uy ngom me tay e girdi’ fam ni fa’anra um maruwliy e tin ni bfel’; ma fa’an ga ra muruwliy e tin nib kireb, ma ga be oloboch.

Proverbs 3:3

Dab mu pithig pa’am ko yul’yul’ nge t’ufeg. Mu the’ row nga bilel’ugnam; mag yoloy nga lanin’um.

Amos 8:12

Girdi’ e bay ra deraw gad u bang e day nga bang miyad cheal riy ko lel’och i yan ko ngek. Bay ur gayed u gubin yang bbugithin nike yib rok SOMOL, machane dab ra pir’eged.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

1 Samuel 23:13

Ere David nge pi salthaw rok ni gonap’an yad n’el mir’ay u gubin e ra chuwgad u Keilah ni kachingiyal’ nem ni dar talgad u bang. Fa’ani rung’ag Saul nike chuw David u Keilah, me pag e tin ni yog ni ngan rin’.