2 Samuel 15:10 - Bible Ni Thothup

¹⁰ Me l’oeg Absalom e pi mal’og nranod nga urngin e ganong nu Israel nib mith nge lungrad ngorad, “Nap’an ni gimed ra rung’ag laman e rappa nike thow, ma nge lungumed. I Absalom e ka ni pilungnag u Hebron!”

2 Samuel 15:10 Σταυροειδείς Αναφορές

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

2 Samuel 14:30

Me ga’ar Absalom ngak e pi tapigpig rok, “Mu sapgad, woldug rok Joab e mmigid ko girog, ni be tugul e barley riy. Marod ngam ted e nifiy ngay.” Miyad yan ngar ted e nifiy ko fa gi woldug.

2 Samuel 15:9

Me ga’ar David ni Pilung, “Mman u fithik’ e gapas.” Me yan Absalom nga Hebron.

2 Samuel 19:10

Kad gapgep niged Absalom kemang pilung rodad, machane kan li’ u fithik’ e mael. Ere mang ndabi guy be’ rogon nge yan i pining David nge sul ko pilung?”

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

2 Samuel 2:11

me gagiyeg David u lan yu Hebron ngu daken yu Judah ni medlip nge baley e duw.

2 Samuel 5:5

I par u Hebron ngi i gagiyegnag yu Judah ni medlip nge baley e duw, me par u Jerusalem ngi i gagiyegnag yu Israel ni ga’ngin nge yu Judah ni guyey nge dalip e duw.

1 Kings 1:11

Me yan Nathan ngak Bathsheba ni chitiningin Solomon, me fith ngak ni ga’ar, “Mog, kam rung’ag ni fa’anem i Adonijah ni chitiningin e Haggith e ke pilungnag ir? Ma dawori nang David ni Pilung!

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

2 Kings 9:13

Ma ka ngiyal’nem me filath e pi tolang ko salthaw ni yad Jehu e pi wuru’ e mad rorad nga daken e tawo’ ni nge sak’iy Jehu nga daken, miyad thoy e pi rappa, miyad tolul ni be lungurad, “I Jehu e pilung!”

1 Kronicles 11:3

Ere gubin e pi’in ma yog e thin u Israel marbad nga Hebron ngak David ni Pilung. Me ngongliy ba tha’ nib thothup u thilrad, miyad gapgepnag, me mang pilung nu Israel, nri bod ni micheg SOMOL u daken Samuel.

1 Kronicles 12:23

Nap’an ni immoy David u Hebron, ma bo’or e salthaw ni kan fonow nagrad ko mael nra manged ko fa raba’ i salthaw rok ni ngar ayuweged nge mang pilung nge yan nga luwan Saul, ni bod nike micheg SOMOL. Ba’aray urngirad u reb e ganong ngu reb: Judah: 6,800 e pumo’on ni bay rorad talin e cham ni bfel’ rogon, kar feked e shield nge sarey; Simeon: 7,100 e pumo’on ni kan fonow nagrad ko mael ni bfel’ rogon; Levi: 4,600 e pumo’on; Pi gachalpen Jehoyada ni be’ ni owchen Aron: 3,700 e pumo’on; Pi girdi’en Zadok ni be’ ni kab pagel nib bung ko cham: rliw’ nge l’agruw e pi tagafaliy e salthaw; Benjamin (ganong rok Saul): 3,000 e pumo’on (bo’or e girdi’ rok Benjamin nra pired ni kayad ba yul’yul’ ngak Saul); Efraim: 20,800 e pumo’on nib gilbugwarad u fithik’ fa yuke girdi’ rorad; Ba’ ni Ngal e Manasseh: 18,000 e pumo’on nni mel’egrad ni ngranod ra guyed rogon nge mang David e pilung; Issakar: 200 e tolang ko salthaw, nib mu’un e pi salthaw ngay ni yad ma gafaliyrad (pi tolang ko salthaw ney e yad manang e n’en nthangri rin’ yu Israel nge ngiyal’ nib manigil ni ngan rin’ riy); Zebulun: 50,000 e salthaw ni yad ba yul’yul’ mab pagan’uy ngorad ni kar fal’eged rograd ko cham, ma kan fonow nagrad u rogon e cham ko gubin mit talin e cham; Naftali: 1,000 e pi tolang nge cheag 37,000 e salthaw ngay ni bay e yungi shield nge sarey rorad; Dan: 28,600 e salthaw ni kan mu’ i fonow nagrad; Asher: 40,000 e salthaw ni kar fal’eged rogorad ni fan ko mael; Pi ganong u ba’ ni Ngek e Jordan — Ruben, Gad, nge ba’ ni Ngek e Manasseh: 120,000 e salthaw ni kan fonow nagrad u rogon e cham ko gubin mit e talin e cham.

1 Kronicles 12:38

Urngin e pi salthaw ney ni kar fal’eged rogorad ni fan ko mael e go’ ranod nga Hebron, ni kar turguyed u wan’rad ni ngar ayuweged David nge mang pilung u ga’ngin yu Israel. Urngin e girdi’ ni kiyad bay u Israel ma go’ ke ta’reban’rad nga ta’ab n’en.