2 Samuel 14:14 - Bible Ni Thothup

¹⁴ Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

2 Samuel 14:14 Σταυροειδείς Αναφορές

2 Samuel 11:25

Me ga’ar David ngak fa’anem ni ka nol’oeg ke yib, “Ngamog ngak Joab ndabi mulan’, ya dabiyag ni ngan nang ko mini’ e ra yim’ ko mael. Mog ngak nge gelnag e mael ko re binaw nem miyad athamgiliy ngar koled.”

2 Samuel 14:15

Gur en Pilung, chiney e fan ni kagub ni nggu non ngom e bochan e be k’aring e girdi’ e marus ngog, ma aram mug ga’ar u lanin’ug e nggu non ngom ni gomang e yugum rin’ e n’en ni gu be ning.

1 Kings 11:39

Bay gu gechignag pi’in owchen David ni bochan e denen nike ngongliy Solomon, machane bay n’umngin nap’an.’”

BABYOR NI JOB 14:14

Fa’anra yim’ be’, ma gur ku rayag ni ngki fos bayay? Machane gag e bay gu sonnag e ngiyal’ ni bfel’, nggu son nge chuw e ngiyal’ney nib gafgow.

BABYOR NI JOB 30:23

Gu manang ni ga be fekeg i yan ko yam’, ko gin gubin e girdi’ nra yan ngay.

BABYOR NI JOB 34:15

mra yim’ gubin e girdi’ nge sul ko ab bayay.

BABYOR NI JOB 34:19

Der ma mang ko pi’in tagagiyeg ma der ma fol ko pi’in fel’ rogon me pag e gafgow, ya ir e sunmiy gubin e girdi’.

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Psalms 58:7

Mang e yugu ra m’aygad ngabang ni bod e ran ni lul’ nge m’ay; mang e yugu notrad nga but’ ni bod e pan u kanawo’.

Psalms 77:8

Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?

Psalms 79:3

Kar pu’oged racha’en e girdi’ rom ni bod e ran nike sugbur u ga’ngin yu Jerusalem; ma dariy be’ ni magach ni nge k’eyag e yam’.

Psalms 90:10

Ya kemus ni medlip i ragag e duw nap’mad, ra mada’ ko meruk i ragag ni fa’anra ba gel fithik’ i dowmad; machane oloboch nge magfan’ e be yib ngomad ko pi duw nem; dar n’uw nap’an e yafos me m’ay, ma gamad chuw.

Psalms 90:3

Ga be yog ngomad ni nggu sulod ko n’en ni gu sumgad riy; ga ma pingegmad nggu sulod ko but’.

Exodus 21:13

Machane fa’anra kal riy, ni gathi leam rok ni nge li’ nge yim’, mrayag ni nge mil nge yan nga bangi ban’en ni bay gu duwgiliy ni fan ngomed, mu rom e dariy ban’en nra buch rok riy.

Eklesiastes 9:5

Arrogon, pi’in bfos e yad manang ni bay ram’ad, machane pi’in nib yam’ e dariy ban’en ni yad manang. Yad e dakriy e tow’ath rorad; ya kanpag talinrad.

Lamentations 3:31

I Somol e rib marunguy ma dabi n’ag dad ni manemus.

Ezekiel 18:23

Be ga’ar SOMOL ni Th’abi Tolang, “Mogned, gimed be finey ma gu ba’adag ni ngug guy be’ nib kireb ni nge yim’? Danga’, ku gu ba’adag ni ngug guy ni nge kolngan’ nge pi’ keru’ ko denen ni be rin’ nge yag e yafos ngak.

Levitikus 26:40

“Machane pi’in owchemed e bay ra puwofay niged e denen rorad nge denen rok e pi chitmangirad kakrom ni u ra gel niged lanin’rad mu’ur togopluwgad ngog,

Numbers 35:15

Pi binaw nem e nge par ni tafen e ayuw rok demturug be’ nma par u Israel ni kal nge li’ be’ nge yim’.

Numbers 35:25

Girdi’ ko fare binaw e ngar ayuweged e cha’ nike thang e pogofan u pa’ e girdi’ rok facha’ nike yim’. Miyad pi’ facha’ nge par u reb fapi binaw ni tagil e ayuw. Me par u rom nge mada ko ngiyal nike yim’ fare Prist ni Th’abi Ga’.

Numbers 35:28

Thangri par fa en ke cham u lan fare binaw nge mada’ ko ngiyal’ nike yim’ fare Prist ni Th’abi Ga’; kemus e ngiyal’ nrayag ni sul riy nga tafen.

Matthew 22:16

Ma aram miyad l’oeg boch pi gachalprad nge boch e girdi’ ko ba’ rok Herod e girdi’ ngranod ngak Jesus. Me lungurad ngak, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni nge rin’ e girdi’, nder magafan’um ko tin ni be leamnag e girdi’, ya ta’reb rogon e girdi’ u wun’um.

Acts 10:34

Me tabab Peter ko welthin ni ga’ar, “Ka fin gu nang e chiney nriyul’ ni gubin e girdi’ ma ta’reb rogorad u wan’ Got.

Roma 2:11

Yi Got e ta’reb rogon e ngongol nma tay ngak urngin e girdi’.

Deuteronomy 10:17

I SOMOL ni Got romed e ir e pilung ko pi got nge Somol ko pi somol. Ir e ba ga’ ma ba th’abi gel gelngin, ma ir e ngu’un fol rok. Der ma laniyan’ ma der ma fek puluwon e sasaliyab.

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.