2 Samuel 13:4 - Bible Ni Thothup

⁴ Me ga’ar Jonadab ngak Amnon, “I gur e fak e pilung gur, machane gubin e rran ma gu be guyem nib kireb an’um. Mang e ke buch?” Me fulweg, ni ga’ar, “Kari gum’ ni bochan Tamar, ni fare bpin ni walagen Absalom ni walageg ya ta’reb e chitamangimow.”

2 Samuel 13:4 Σταυροειδείς Αναφορές

2 Samuel 13:3

Machane bay ba fager rok Amnon, re fager nem e be’ nib pumo’on nib cheag ko sasalap ni Jonadab fithingan, ni be’ nib pumo’on ni fak Shammah ni walagen David.

2 Samuel 13:5

Me ga’ar Jonadab ngak, “Mu dake m’ar nigem ngam par u chob. Nap’an ni bay yib e chitamam i guyem, me lungum ngak, ‘Wenig ngom mog ngak fare bpin ni walageg i Tamar nge yib i durwi’iyeg. Gub adag ni nge yib nge ngongliy e ggan u roy ko gin ni gu be guy riy, ma ku ir e nge durwi’iyeg.’”

1 Kings 21:5

Me yib Jezebel ni le’engin ngak me ga’ar, “Mang e kari kireban’um ngay? Mangfan ndab mu abich?”

1 Kings 21:7

Me ga’ar Jezebel, “Mog, gur e pilung fa gathi gur? Mu chuw u chob ngam fal’eg lanin’um ma ga abich. Bay gu fek e gi woldug nem rok Naboth nggu pi’ ngom!”

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Jeremiah 8:12

Girdi’ rog, gur, um tamra’gad ni bochan e pin’ey nib sosongor ni um ngongliyed? Dangay, damnanged e tamra’! Ere bay mu thaygad ni bod nike thay boch e girdi’; ngiyal’ ni gu ra gechig nagmed, ma aram e tomuren e yafos romed. I Gag SOMOL e gu be non.

Levitikus 18:9

Dab mu pirew walagem ni bpin, ara be’ ni bpin nta’reb e chitmangmew fa chitningmew, ndemturug ko nchugliymew u ta’bang fa danga’.

Levitikus 20:17

Fa’anra le’engiy be’ nib mo’on be’ ni bpin nri walagen fa be’ ni bpin ni kemus ni chitamangirow fa chitinngirow e ba ta’reb, ma nganog row u mit e girdi’ ni gubin ni kar rin’ew ban’en nib kireb mi ni tuluf row ngar chuwgow u fithik’ piyu Israel. Ke par fare mo’on nge walagen ni bpin ere thingar ni gafgow nagrow ni wenegan e kireb rorow.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.