2 Samuel 13:32 - Bible Ni Thothup

³² Machane Jonadab ni be’ nib pumo’on ni fak Shammah ni walagen David e ga’ar, “Gur e en Pilung, dawor thanged e fan rok urngin e pi pumo’on ni pifakam. Kemus ni Amnon e ke yim’. Yig ra guy Absalom mag ra nang nike mu’ i leamnag rok ni nge rin’ e ren’ey ko fa ngiyal’ ni kol Amnon i Tamar ni walagen u gelngin.

2 Samuel 13:32 Σταυροειδείς Αναφορές

Genesis 27:41

Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”

2 Samuel 13:3

Machane bay ba fager rok Amnon, re fager nem e be’ nib pumo’on nib cheag ko sasalap ni Jonadab fithingan, ni be’ nib pumo’on ni fak Shammah ni walagen David.

2 Samuel 13:33

Ere dabi mich u wun’um e re thin nir ni gubin i pifakam ni pumo’on ni karm’ad; ya kemus ni go’ Amnon e kan li’ ke yim’.”

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

1 Samuel 16:9

Ma aram me fek Jesse Shammah i yib. Me ga’ar Samuel, “Dangay, ku gathi er e cha’ nike turguy SOMOL.”