2 Samuel 13:29 - Bible Ni Thothup

²⁹ Aram me rin’ fapi tapigpig e n’en nike yog Absalom ngar li’ed Amnon nge yim’. Ma urngin e tin ni kabay ko fapi pumo’on ni pifak David ni yigo’ ra afgad nga daken e mule rorad ngar milgad.

2 Samuel 13:29 Σταυροειδείς Αναφορές

Genesis 36:24

I Zibeon e immoy l’agruw i pagel ni fak, ni Aiah nge Anah. (Anah e facha’ ni pir’eg bogi alublub nib gawel e ran riy u lan e ted u nap’an ni be chathowliy e dongki rok e chitamngin.)

2 Samuel 12:10

Ere chiney e gubin e mfen ni bay i yim’ boch e pi’in ni owchem nib tomgin e yam’ ni bay i yib ngorad, ya dakum fol rog ma ga fek le’engin Uriah ngam le’ay.

2 Samuel 13:30

Kurom u kanawo’ ni yad beyib i yib nga tabnaw, min ga’ar ngak David: “Ke li’ Absalom urngin fapi pumo’on ni pifakam karm’ad — dakuriy bagyad niki magey!”

2 Samuel 14:6

Immoy l’agruw i pagel ni fakag, me reb e rran miyow tugthin u lan e flang, ko gin ndariy be’ riy ni nge pithigrow, me li’ bagyow bagyow nge yim’.

2 Samuel 18:9

Me gin Absalom ma kar mada’gad boch e salthaw rok David. Ma bay Absalom u daken ba gamanman ni mule, ma nap’an ni mil fare mule u tan ba ke gek’iy ni oak ni ba ga’ ken, me mit piyan lolugen Absalom nga fithik’ i papa’ngin. Me mil fare mule u tanggin nge yan me par Absalom nike tagafgaf.

1 Kings 1:33

me ga’ar ngorad, “Pi tolang ni yad be par u lan e yoror rog e ngam pininged yad ngar uned ngomed; me af Solomon ni fakag nga daken fare gamanman rog ni mule, mi gimed yan nga p’ening ko fare alublub nu Gihon,

1 Kings 1:38

Ma aram me tay Zadok, nge Nathan, Benayah nge pi salthaw ni matanagen e Pilung Solomon nga daken fare gamanman ni mule rok David ni Pilung, miyad un ngak ngranod ko fare alublub nu Gihon.

Proverbs 29:12

Be’ nma gagiyeg e fa’anra i motoyil ko tin nde riyul’, ma gubin e pi’in tolang ko maruwel rok e bay ur bangad.

Levitikus 19:19

“Um folgad ko tin kugog ni ngu’um rin’ed. Dab mu ted mmit e gamanman romed nga yugub mit ni ngar diyengow. Dab mu yunged l’agruw mit e awoch nga daken ta’reb e milay’. Dab mu yin’ed e mad nni ngongliy u l’agruw mit i ban’en.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.