2 Samuel 12:9 - Bible Ni Thothup

⁹ Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

2 Samuel 12:9 Σταυροειδείς Αναφορές

2 Samuel 11:4

Me l’oeg David bogi mol’og ni ngranod ra feked; miyad fek fare pin i yib ngak mi yow par. (Ka fini mu’ i lebuguy bangbengen e arow ko pal nike tay.) Me sul fare pin nga tafen.

2 Samuel 12:10

Ere chiney e gubin e mfen ni bay i yim’ boch e pi’in ni owchem nib tomgin e yam’ ni bay i yib ngorad, ya dakum fol rog ma ga fek le’engin Uriah ngam le’ay.

2 Samuel 16:7

Me yog Shimei e thin nib kireb ngak David ni ga’ar, “Mman ngam chuw! Mman ngam chuw! I gur e re tathang e pogofan nir! I gur e re kireb nir!

1 Kings 15:5

I rin’ SOMOL e ren’ey ni bochan e i rin’ David e tin nib m’agan’ SOMOL ngay ma dariy ban’en ni yog ngak ni pag, kemus ni fare oloboch ni ngongliy ngak Uriah nib Hittite.

1 Kings 21:19

Mog ngak ni gag SOMOL e be lungug ngak, ‘Mog, kam thang e pogofan rok Naboth, ma ngkum fek tafen ngam tafnay?’ Mog ngak ni be lungug, ‘Gin’en ni i lil’ e pilis racha’en Naboth riy e ireram e gin ku bayi lil’ e pilis e racha’ rom riy!”

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

Psalms 51:14

Got, ni gur e ta’ayuw rog, mu ayuweg e pogofan rog, mu gu weliy ngak e girdi’ fanam mat’aw.

Psalms 51:16

Dabum e gamanman ni yibe li’ ngan pi’ ngom ni maligach, fa’an mang e ga ba’adag ma kug pi’ ngom; de fel’ u wun’um e pi maligach ni mo’oruf.

Psalms 51:4

Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Proverbs 14:2

Mu yul’yul’ ma ga dag ni bay madgun SOMOL u wun’um; mra dab mu yul’yul’ mra m’ug ni dariy daguwen u wan’um.

Isaiah 5:24

Ere chiney, e ri bod e kenggin e uchel nge pan nike mlik ni be yik’ u fithik’ e nifiy, lik’ngimed e bayi malad ma mak’uf romed e bayi fengfeng nge changag ngabang, ni bochan e ka mu n’iged SOMOL ni Gubin ma Rayag Rok, ni fare Got nib thothup nu Israel.

Jeremiah 18:10

ma de fol fare nam rog miyad ngongliy e kireb, ma aram e dab gu rin’ e n’en kugog ni gu ra rin’.

Amos 2:4

Be ga’ar SOMOL, “Girdi’ nu Judah e kar denen gad bayay nge bayay, erfan nri bay gu gechig nagrad. Ya kar darifan niged e machib rog ma darir folgad ko thin ni kugog. Ke waliyrad e pi got rorad ni go’ bogi ban’en nga wuru’ e wo’, ni bogi got ni i pigpig e pi chitamangirad ni kakrom ngorad.

1 Samuel 15:19

Ere mangfan nda mu fol ko tin ni yog? Mangfan ni mu gur nigem ko tin bay rorad ngam rin’ e tin nde m’agan’ SOMOL ngay?”

1 Samuel 15:23

Togopluw ni ngan tay ngak e ta’reb feni kireb nge pig, ma ufanthin nge tolngan’ e ba denen ni ta’reb rogon ko meybil ni yima tay ko liyos nma meybil boch e girdi’ ngay. Bochan e kam pi’ed keru’med ko tin ni yog SOMOL ngom ni ngam rin’, ma aram e ku er rogon ir nike n’igem ni aram e dab kum pilung.”

1 Samuel 15:26

Me fulweg Samuel ni ga’ar, “Dab gu’un ngom ngdarow ya kam n’ag e tin ni yog SOMOL ngom ni ngam rin’, ma ke n’igem ni aram e dab kum mmang pilung nu Israel.”