2 Samuel 12:7 - Bible Ni Thothup

⁷ Me ga’ar Nathan ku David, “I gur e cha’nem. Ma ba’aray e thin nike yog SOMOL ni Got rok yu Israel; ke ga’ar, ‘Gu dugliyem ni ngam mang pilung rok piyu Israel, me gag e gu ayuwegnem u pa’ Saul nde thay e pogofan rom.

2 Samuel 12:7 Σταυροειδείς Αναφορές

2 Samuel 14:13

Me ga’ar fare pin ngak, “Mangfan ni kam rin’ ban’en ni erfane kireb ngak e girdi’ rok Got? Dawor mu pag e en nri fakam nge sul ko fa gin ni bay riy ni bod e kalbus, ere n’en ni kafin mog e aram e n’en nike kireb nagem.

2 Samuel 22:1

Irera’ fare tang ni yin’ David ngak SOMOL ko fa ngiyal’nem ni ayuweg SOMOL David u pa’ Saul ngu pa’ yugu boch e pi to’ogor rok. I ga’ar:

2 Samuel 22:49

ma chuwegneg u pa’ e pi to’ogor rog. SOMOL, i gur e ga ma gagiyeg nigeg ngug gel ngak e pi to’ogor rog, ma ga ma yororiyeg rok e pi’in yad ma cham ngog.

2 Samuel 7:8

“Ere mog ngak e tapigpig rog i David, ni SOMOL ni Gubin ma Rayag Rok e be ga’ar ngak, ‘Ga be gafaliy e saf u daken e yungi ted i yan mu gu fekem nggu tem ni gur e ngu’um gagiyegnag piyu Israel ni girdi’ rog.

1 Kings 14:7

Mman ngamog ngak Jeroboam ni ba’aray e n’en ni be yog SOMOL ni Got rok yu Israel ngak: ‘Kug mel’egem u fithik’ e girdi’ kug tem ni gur e ngu’um gagiyegnag e girdi’ rog ni piyu Israel.

1 Kings 18:18

Me ga’ar Elijah, “Gathi gag e kug gafgownag yu Israel, ya gur, ni gur nge chitamam. Dakumur folgow ko thin rok SOMOL ma gimew be tayfan fapi liyos ni ya’an Baal.

1 Kings 20:40

Machane mug mit u boch ban’en, me thay fare mo’on nge mil.” Me fulweg fare pilung ni ga’ar, “Kamog rogon e n’en ni nge buch rom, i gur rom e ka mu turguy.”

1 Kings 20:42

Me ga’ar fare profet ngak fare pilung, “Irera’ e thin rok SOMOL: ‘Bochan e kam pag fare mo’on ke mil ni aram facha’ ni kugog ni ngan li’ nge yim’, ma aram e yafos rom e nge thay ni puluwon, ma fa raba’ i salthaw rom e bay ni thirif u but’ ni bochan e kar paged fa raba’ i salthaw rok kar milgad.’”

Psalms 18:1

SOMOL, ri gab t’uf rog! Gur e yoror rog!

Jeremiah 34:6

Ma aram mu gu waen gog e re thin ney ngak Zedekiah ni Pilung u Jerusalem

Daniel 4:22

“Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Matthew 14:14

Me yib Jesus u bowoch nga arow, ma fa’ani guy fapi girdi’ ni pire’ ni pire’ me ri taganan’ ngorad, me golnag e pi’in yad mm’ar u fithik’rad.

1 Samuel 13:13

Me fulweg Samuel ni ga’ar, “Ri gab balyang ko binir e pa’ ni kam rin’. Da mfol ko tin keyog SOMOL ni Got rom ngom ni ngam rin’. Fa’an mang e mfol, ma ke tem nge pi’in owchem ngu’um gagiyeg niged piyu Israel ndariy n’umngin nap’an.

1 Samuel 15:17

Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

1 Samuel 16:13

Me fek Samuel fare gapgep ni olive nge gapgepnag David u p’eowchen fapi pumo’on ni walagen. Me yib fare gelngin SOMOL i ying ngak David ngi i gagiyegnag e rofen nem i yan nga m’on. Me sul Samuel nga Ramah.

1 Samuel 18:11

Me ga’ar Saul u wan’, “Nggu richibiy ko rungrung,” me pag fare sarey ngak ni l’agruw yay; me pilo’ David riy.

1 Samuel 18:21

Me ga’ar u wan’, “Nggu pi’ Mikal ngak David; ya nge bannag nge yib e pi Filistine i li’ ngem’.” Irera’ e yay ni gaman e l’agruw yay ngay ni ga’ar Saul ngak David, “Bay mu le’engiy fakag.”

1 Samuel 23:14

David e par ni be mith u daken e ted ni go’ burey, ko fagi fithik’ e garger u charen yu Zif. Ma gubin ngiyal’ ma be guy Saul rogon ni nge pat ngak, machane Got e de pi’ David ngalan pa’ Saul.

1 Samuel 23:7

Minog ngak Saul nike yan David nga Keilah, me ga’ar, “I Got e ke tay David ngalan pa’ag. Ke thabaynag David ir ko wup nike yan ngalan ba binaw nib yoror ma bay e pi garog riy ni fan ko mael.”