2 Samuel 12:24 - Bible Ni Thothup

²⁴ Ma aram me par David ngi i fal’eg laniyan’ Bathsheba ni le’engin. Mi yow par me diyen, nge gargeleg bochi reb e pagel, me tunguy David fithingan ni Solomon. Ma ba t’uf rok SOMOL e chi pagel nem,

2 Samuel 12:24 Σταυροειδείς Αναφορές

2 Samuel 12:25

me yog SOMOL ngak Nathan ni profet ni nge yan i tunguy Jedidiah ngak, ya ba t’uf rok SOMOL.

2 Samuel 5:14

Bitir nni gargeleg ni fak u Jerusalem e Shammua, nge Shobab, nge Nathan, nge Solomon,

2 Samuel 7:12

Nap’an ni ga ra yim’ mi ni yan ni k’eygem ngak pi chitamam, mu gu turguy reb i owchem nge mang pilung, ma bay gu tay e nam rok nib gel.

1 Kings 1:10

Machane de pi’ e thin nge yan ngak Solomon ni ta’reb e chitamangirow ma ba thil e chitiningirow, ma ku de pi’ e thin nge yan ngak Nathan ni profet, nge Benayah, nge pi matanagen e pilung.

1 Kings 1:11

Me yan Nathan ngak Bathsheba ni chitiningin Solomon, me fith ngak ni ga’ar, “Mog, kam rung’ag ni fa’anem i Adonijah ni chitiningin e Haggith e ke pilungnag ir? Ma dawori nang David ni Pilung!

1 Kronicles 29:1

Me weliy David ni Pilung ngak fare ulung i girdi’ ni gubin ni ga’ar: “Fakag i Solomon e ir e cha’ nike mel’eg Got, machane dawri ilal ma dawori yo’or ban’en nike nang rogon. Maruwel ni ngan rin’ e rib ga’, ni bochan e gathi ba naun ni tafen e pilung ni girdi’, ya ba tempel ni fen SOMOL ni Got.

1 Kronicles 3:5

ma bo’or e pagel nni gargeleg u rom ni fak. Bpin rok ni Bathsheba, ni be’ ni bpin ni fak Ammiel, e diyennag aningeg i pagel ni fak: Shimea, Shabab, Nathan, nge Solomon.

Nehemiah 13:26

Mu gog ngorad ni lungug, “Pi’ini ppin nu bang e ra pingeged i Solomon ni Pilung nge denen. Irera’ e re mo’on nib gilbugwan u fithik’ e pilung ko pi nam. Ba t’uf rok Got me tay ni pilung u Israel ni ga’ngin, machane me mul nga fithik’ e re denen ney.

Proverbs 4:3

Nap’an ni ku gu ba’chig, ni kar gu mus e pagel ni fak e gal labthir rog,

Matthew 1:6

me Jesse e chitamngin David ni Pilung. Me David e chitamngin Solomon (ni chitiningin e leengin Uriah);

Deuteronomy 33:12

Me yog murung’agen e ganong rok Benjamin ni ga’ar: “Irera’ fare ganong nib t’uf rok SOMOL ma be yoror rok; gubin e rran ni yad be par u p’eowchen ni ir e kemang manaf rorad.”