2 Samuel 12:20 - Bible Ni Thothup

²⁰ Me suwon David u daken e faraf ngalang, nge maluk me rawey lolugen, me thiliyeg e mad rok. Me yan ngalan e naun rok SOMOL nge yan i paraw nga but’ me meybil ngak. Fa’ani sul ko naun rok me yog ni nga ni pi’ e ggan ngak, ma nap’an ni yugu ni fek i yib ngak me kay.

2 Samuel 12:20 Σταυροειδείς Αναφορές

2 Samuel 12:19

Fa’ani guyrad David ni yad be kathkath rorad me nang nike yim’ fare tir. Me fithrad ni ga’ar, “Mogned, ke yim’ fare tir?” Miyad fulweg ni lungurad, “Er rogon, ke aw e fan rok.”

2 Samuel 12:21

Me ga’ar fapi tolang ni yad bay u tan pa’ ngak, “Dagur nanged fan e re n’ir ni kam rin’, um yor ma kam par ndakumur koy ban’en nnap’an ni kab fos fare tir; machane yugu nap’an ni yim’ ma ga suwon u but’ ngalang ngam un ko abich!”

2 Samuel 14:2

ma aram me mol’og nge yib be’ ni bpin nrib gonap ni mapar u lan yu Tekoa. Nap’an ni taw, me ga’ar Joab ngak, “Ngam dake gabe mowaw; mu chuw nga madan e mowaw rom, ma dab kum rowey piyan lolugem. Mu ngongol ni bod be’ ni bpin nike n’uw nap’an nike mowaw.

2 Samuel 19:24

Ma aram me yib Mefiboseth, ni Saul e tutuw rok, ni ngar mada’gow David ni Pilung; ni ka nap’an ni chuw David ni Pilung u Jerusalem nge taw ko ngiyal’ ni sul riy nike gel ko mael me par Mefiboseth ndaki maluknag ay, ma daki puy roben, ara maluknag e mad rok.

2 Samuel 6:17

Miyad fek fare Kahol ko M’ag ngranod ra ted nga tagil’ u lan fare tent nike ngongliy David ni ngan tay ngay. Me pi’ David e gamanman ni maligach ngak SOMOL nge pin’en ni nge fal’eg thilin SOMOL nge girdi’.

2 Samuel 7:18

Me yan David ni Pilung ngalan fare tent u p’eowchen SOMOL, me yan i par nga but’ nge meybil ni be ga’ar, “SOMOL ni Th’abi Tolang, urngin e tin kam rin’ ni fan ngog e dariy rogog nga bang ni ngam rin’ ngog, ara ngam rin’ ngak e tabinaw rog.

BABYOR NI JOB 1:20

Me sak’iy Job nge guchthuy e mad rok ni kari kireban’. Me suruy e piy u chugen nge m’ay me paraw nga but’.

BABYOR NI JOB 2:10

Me ga’ar Job ngak, “Ga be yog e thin ko balyang! Fa’anra pi’ Got ban’en ni bfel’ nge yib ngodad ma gadad fek u fithik’ e felfelan’. Ere fa’anra pi’ e gafgow nge yib ngodad ma mang ni ngad gun’gun’gad?” Yug aram rogon urngin e gafgow ni yib ngak Job ma de yog ban’en nib togopluw ngak Got.

Psalms 103:1

Lanin’ug, mu pining e sorok ngak SOMOL! Polo’ i gag, mu pining e sorok nga fithingan nib thothup!

Psalms 103:8

I SOMOL e rib marnguy ma ba ga’ e t’ufeg rok, ba sowath nma yib e damumuw ngak, ma ba sug ko t’ufeg ni dabimus.

Psalms 39:9

Bay gu th’ab gulngag, ni ta’ab bugithin ma dab gog, ya gur e kam teg ni ngug gafgow ni aray rogon.

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Proverbs 3:7

Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb.

Eklesiastes 9:8

Gubin ngiyal’ ni ngi i par owchem ni bfel’ ma bay e felfelan’ riy.

Matthew 6:17

Fa’anra mpag e abich, ma ga luknag owchem ma ga rawey lolugem,

Luke 7:46

Da mpi’ e gapgep ni nggu tay nga lolugeg, machane ir e ke liyef e rifrif u eg ko florida.

Ruth 3:3

Ere mmaluk, ma ga florida, ma ga chuw ko bin th’abi fel’ e mad rom; ma ga yan ko gin yibe gunugunuy e barley riy, machane ngam guy rogon ndabi nangem ni ga bay u rom nge yan i mada’ ko ngiyal’ nike mu’ ko abich ma ke garbod.

1 Samuel 15:25

Machane wenig ngom, mu n’ag fan e denen rog ma gu’un ngog ngad sulow, nge yag ni gu liyor ngak SOMOL.”

1 Samuel 15:31

Ma aram me un Samuel ngak ngar sulow, me liyor Saul ngak SOMOL.