2 Samuel 11:12 - Bible Ni Thothup

¹² Me ga’ar David, “Ere mpar u roy e daba’, ma gabul mu gu pi’em ngam sul ko salthaw.” Ma aram me par Uriah u lan yu Jerusalem e rofen nem nge ku reb e rran.

2 Samuel 11:12 Σταυροειδείς Αναφορές

2 Samuel 11:13

Me yog David ngak ni nge yib i un ngak ko abich ko blayal’, me pi’ David e rrum ngak nge unum nge balyang ngay. Machane re nep’ i n’em e ku de yan Uriah nga tabinaw rok, machane me yan i mol nga daken e gulgul rok u lan e singgil rok girdi’en e matanagen tafen e pilung.

BABYOR NI JOB 20:12

Tin ba kireb e rib fel’ lamen u langan ra tay boch u lan lugun ni ngi i fal’eg lamen l’ugun.

Jeremiah 2:37

Bay kum pi’ keru’um ngak piyu Egypt, ni ka mup’ owchem nga but’ ni fan e kam tamra’. I Gag, SOMOL e kug n’ag e pi’in ke pagan’um ngorad; ere dariy ban’en nra fel’ rogom riy u puluwrad.”