2 Samuel 10:11 - Bible Ni Thothup

¹¹ Me ga’ar Joab ngak Abishai, “Fa’an ga ra guy ni be gel e pi yu Syria ngog, mag yib ngam ayuwegneg, ma fa’anra be gel e pi Ammon ngom, mugub gu ayuwegnem.

2 Samuel 10:11 Σταυροειδείς Αναφορές

2 Samuel 10:10

Me tay e tin kabay ko yu raba’ i salthaw rok nga tan pa’ be’ nib pumo’on ni walagen ni aram Abishai, me tayrad Abishai nga gil’rad ko mael ni yad ba sap ngak e pi Ammon.

2 Samuel 10:12

Mu gelnigem mag athamgil! Mman ngad chamgow nib gel ni fan ngak e girdi’ rodow ma fan ko pi binaw rok e Got rodow. Ma tin ba’adag SOMOL e ngan rin’!”

Nehemiah 4:20

Fa’an gimed ra rung’ag e yabul nike thow ni aram e keb e mael, ma ngam muulunggad ngog. Ya Got rodad e ir e bayi mael ni pa’dad.”

Luke 22:32

Machane kug yibilayem ngak Got, i gur Simon, ni rogon nib michan’um ngak Got e dabi mul. Ma fa’an ga ra sul ngog, ma thingar mpi’ e gel nga laniyan’ pi walagem.”

Roma 15:1

Gadad e pi’in nib gel e michan’ rodad ngak Somol e susun e ngad ayuweged e pi’in yad mme’waer ngad uned i fek gilbarad. Ma gathi gadad e ngdarod nga lanin’dad.

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.