2 Samuel 1:8 - Bible Ni Thothup

⁸ Me fith ngog ko gag mini’, mu gu weliy ngak ni gag ba Amalekite.

2 Samuel 1:8 Σταυροειδείς Αναφορές

Genesis 14:7

Miyad cheal ngar sulod nga Kadesh (ara Alublub ko Pufthin), miyad kol e nam rok e girdi’ ni kanog e Amalekite ngorad ni ga’ngin, nge girdi’ ni kanog e Amorite ngorad ni yad ma par u lan yu Hazazon-tamar.

2 Samuel 1:13

Me fith David fare pagel ni ir e ke fek fapi thin i yib ngak ni ga’ar, “Ga be’ u uw?” Me fulweg ni ga’ar, “Gu ba Amalekite, machane gu be par ko nam rom.”

2 Samuel 1:7

Me cheal me guyeg me piningeg. Mu gu fulweg lungun.

2 Samuel 1:9

Me ga’ar ngog, ‘Ba gel e maad’ad ni kug tay ni be chugur ni nggum’. Moy, ngam li’eg nggum’.’

Numbers 24:20

Mi ni piliyeg e changar rok Balaam me guy piyu Amalek me weliy e re yi’iy ni ba’aray: “Yu Amalek e immoy ni ir e ba th’abi gel u fithik’ e pi nam, machane bayi taw ko tomur min thirif u but’.”

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”

1 Samuel 27:8

Ma ngiyal’ i n’em e i yan David nge pi salthaw rok ngu’ur maelgad ngak e girdi’ nu Geshur, Girzi, ngu Amalek, pi girdi’ ney e kari n’uw nap’an ni kar pired ko rengi n’em. Ma yan David ngi i cham ko binaw rorad nge taw nga Shur, i yan nga pe’ning nge mada’ nga Egypt,

1 Samuel 30:1

Me yan l’agruw e rran me taw David nge salthaw rok nga Ziklag. Ma pi Amalekite e karbad ra maelgad nga ley ni yimuch yu Judah ma kar chamgad nga Ziklag. Kar urfiyed fare binaw nga but’

1 Samuel 30:13

Me fith David fachi pagel ni ga’ar, “Mini’ e en ni masta rom, ma ga be’ nu uw?” Me fulweg ni ga’ar, “Gag be’ nu Egypt, ni tapigpig rok be’ ko Amalek. Dalip e rran nike digeyeg e masta rog u roy ni bochan e gu m’ar.

1 Samuel 30:17

Me yan i reb e rran riy ni be pufewoch me cham David ngorad nge yan i blayal. Aningeg mir’ay e pi Amalekite e ra milgad u daken e kamel, kemus e pi’in nra thaygad ngranod.