2 Samuel 1:12 - Bible Ni Thothup

¹² Miyad par ni kari kireban’rad ma yad be yor, mra pired ndar abichgad nge yan i mada’ ko blayal’ ni bochan Saul nge Jonathan, nge fan ngak yu Israel, ni girdi’ rok SOMOL, ni bochan e pire’ i yad e kan li’ ko re mael nem.

2 Samuel 1:12 Σταυροειδείς Αναφορές

2 Samuel 3:35

Polo’ e rran ni i guy fapi girdi’ rogon ni mange yigi kay David ban’en, machane me micheg u fithingan Got ni ga’ar, “Mang e yigi li’eg Got nggum’ ni fa’an gu ra kay ban’en ndawori polo’ e re rran ney!”

Proverbs 24:17

Dabi felan’um ko ngiyal’ nra mada’nag e to’ogor rom e riya’, ma dab mu girig ko ngiyal ni yad ra dol’.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Amos 6:6

Gimed be unum e wayin ni yu dabiy, ma gimed be thiy ko tin th’abi fel’ e florida, machane da mur yor niged e mogothgoth nike tay yu Israel.

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

2 Korinth 11:29

Fa’anra me’waer be’, me un lanin’ug ngak ni susun e gag e kug me’waer; ma fa’ani mul be’ nga fithik’ e denen, me ri kireban’ug.

1 Peter 3:8

Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.

1 Samuel 31:13

Miyad fek e yil rorad ngar k’eyged nga tan ba ke gek’iy ni tamarisk u Jebesh, miyad pag e abich ni medlip e rran.

1 Samuel 31:6

Aram rogon ni yim’ Saul, nge fa dalip i pumo’on ni fak, nge fare pagel; urngin e salthaw rok Saul ni yim’ e rofen nem.