2 Peter 3:9 - Bible Ni Thothup

⁹ Ya dawori sowath Somol ni nge rin’ e tin keyog nra rin’, ni bod rogon ni be leamnag boch e girdi’. Ya be gum’an’nag ir u puluwmed, ni fan e dabun ni nge n’ag be’, ya ba’adag ni nge urngin e girdi’ miyad pi’ keru’rad ko urngin e denen ni yad be rin’.

2 Peter 3:9 Σταυροειδείς Αναφορές

Psalms 77:8

Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Exodus 18:23

Fa’an ga ra rin’ e ran’ey ni rogon nike yog Got, ma dab i aw parwom riy, ma gubin e pi girdi’ ney ni yad ra yan nga taferad nike puf urngin e yupa’ i oloboch u puluworad.”

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Exodus 33:11

Ma par Moses u p’eowchen SOMOL, ma yow ma welthin SOMOL ni bod rogon ruw i fager. Ma nap’an nra sul Moses ko gin bay yu Israel riy. Ma fa’anem ni kab pagel ni ta’yuw rok Moses, ni aram Joshua nib mo’on ni fak Nun, e nge par u lan fare Tent.

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

Eklesiastes 8:11

Mangfan ni girdi’ e kaygi par ni be ngongliy e kireb? Bochan e kireb e danir gechignag ni aram feni papay.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 46:13

Rofen ni nga ni gel e kug chugurnag, daki mal’af. Gel ni bay gu tay e dabi sowath. Bay gu chuweg yu Jerusalem u pa’ e to’ogor rok, mu rom e bay gu gagiyegnag yu Israel riy ngan tay farad.”

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?

Daniel 4:29

Ragag nge l’agruw e pul nga tomuren, nnap’an ni be yan u daken e chigiy ko naun rok u Babylon,

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Roma 13:11

Thingar mu rin’ed e ren’ey, ya kam nanged e re awa nike taw ngay, ya ke taw nga nap’an ni ngam odgad. Ya ngiyal’ ni ngdarod riy ngak Got e ke chugur e chiney ko ngiyal’ ni ba’aram nsom’on ni mich Jesus u wun’dad.

Roma 13:12

Kari chugur ni nge chuw e neap’, nike chugur ni nge rran. Marod ngad n’iged ngongolen fithik’ e lumor. Marod ngad feked talin e cham ni yima cham ngay u fithik’ e tamilang.

Roma 2:4

Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.

Roma 9:22

Ere ta’reb rogon e ren’ey ko n’en nike rin’ Got. Be finey ni nge dag e damumuw rok ya nge dag gelngin ngan guy. Ere rib gumaen’ ni be k’adan’ rok e pi’in yad be k’ar damumuw ngak ni bay tapgin ni nge kirebnagrad.

1 Timothy 1:16

machane er fan nike runguyeg Got, ni bochan e nge yag ni dag Kristus Jesus feni gumaen’ u puluwog, i gag e en nth’abi tadenen u fithik’ e pi tadenen, ni nge dag ngak e pi’in ni bayi mich Jesus u wun’rad nga tomureg me yag e yafos ndariy n’umngin nap’an ngorad.

1 Timothy 2:4

ni ir e ba’adag urngin e girdi’ ni ngar thapgad ngak ma ngar nanged e tin nib riyul’.

Hebrews 10:37

Ni bod rogon ni keyog e babyor nib thothup ni be ga’ar: “Dabki n’uw nap’an ma en ni nge yib e bay yib, ni dabi sowath.

1 Peter 3:20

ni pi kan nem e aram e picha’ ni ur moyed ko biney e tamilang ma da ur folgad rok Got ko fa ngiyal’nem ni i son nagrad Got riy u fithik’ e gumaen’, ni fa ngiyal’ i n’em ni i toy Noah fare ark riy. Ri in e girdi’ e ranod ngalan e re ark nem — ni yad meruk u gubin — e ra folgad nde li’rad e ran.

2 Peter 1:4

Ireray rogon nike tow’ath nagdad ko pin’en nib th’abi fel’ nike micheg ngodad, ya nge yag ngomed e tin ke weliy nra pi’ ngomed mi gimed thay ko ar’ar nma kireb nigey ni bay u roy u fayleng, me yag ngomed rarogon Got.

2 Peter 3:15

Mu leam niged e gumaen’ rok e Somol rodad, ni aram e tayim ni be pi’ ngomed ni ngam guyed rogon ngam thapgad ngak, ni bod rogon nike yoloy walagdad i Paul nib t’uf rodad murung’agen ke yib ngomed, ni gonopiy nge yoloy u rogon e gonop ni pi’ Got ngak.

Revelation 2:21

Kug pi’ e tayim ngak ni nge pi’ keru’ ko denen ni be rin’, machane dabun ni nge pi’ keru’ nga ngongolen e darngal ni be rin’.