2 Peter 3:17 - Bible Ni Thothup

¹⁷ Machane gimed e pi tafager rog e go’ kam nanged e re bugithin ney. Ere mu gonopiyed gimed, nge dabiyag ni waliymed nga bayang e oloboch ni be tay e pi’in ndariyfan e motochiyel u wun’rad ngam thaygad ko gin kam pired riy ni dabi buch ban’en romed riy.

2 Peter 3:17 Σταυροειδείς Αναφορές

Proverbs 1:17

Ba m’ay fan ni ngam pag e nug ni fa’anra fare arche’ ni gabe guyrogon ni ngam kol e be yaliyem.

Matthew 16:11

Ke di’in ndamur nanged fan ni gathi flowa e gu be weliy murung’agen ngomed? Mu ayuweged gimed rok e is ko pi Farise nge pi Sadduse!”

Matthew 16:6

Me ga’ar Jesus ngorad, “Mu ayuweged gimed ko is ko pi Farise nge pi Sadduse.”

Matthew 7:15

“Mu ayuwgad ko profet nde riyul’; ya bay rabad ngomed ni yad bod e saf u wuru’ i dowrad, machane u fithik’ i lanin’rad e ri yad bod e wolf nma k’ad.

John 16:4

Machane kugog ngomed e re bugithin ney, ya nge yan i taw nga nap’an ni ngar rin’ed e pin’ey me yib ngan’med ni kugog ngomed.” “Da ka’a gog e pin’ey ngomed ko som’on, ya gu bay romed.

Acts 2:42

Ma ur pired ni be machib nagrad e pi apostel, ma yad be par nike ta’reban’rad, ma yad be abich ma yad be meybil u ta’bang.

Roma 16:18

Ya pi’in yad ma rin’ e pin’em e darir pigpiggad ngak Kristus ni ir e Somol rodad, ya tin ni yad be ar’arnag e yad be pigpig ngay. Yad ma bannag e girdi’ nib manigil nga wom’ngin i l’ugunrad ni bfel’ nge thin rorad nma pi’ey ngalang.

1 Korinth 10:12

En nra finey nike par nike muduwgil e nge ayuw ya ri mul.

1 Korinth 15:58

Ere pi walageg ni girdi’en Kristus, um pired ni gimed bmuduwgil. Gubin ngiyal’ ma ngu’um muruwliyed e maruwel romed ni fan ngak Somol, ya gimed manang ni pigpig ni gimed be tay ngak Somol e gathi ra yan i aw nib m’ayfan.

2 Korinth 11:3

Kug rusnagmed nri yib e kireb nga fithik’ i lanin’med nge dab kum yul’yul’gad ngak Kristus, ni bod rogon ni bannag fare porchoyog Eva.

Galatia 5:4

Ma pi aromed ni yad be guy rogorad ni ngu’ur folgad ko Motochiyel ni fan e ir e nge mat’awnagrad ngak Got e kar th’abed yad rok Kristus. Yad bay u wuru’ e t’ufeg rok Got.

Efesus 4:14

Ma aram e dab kud pired ni gadad bod e bitir, ni be fekdad e n’ew i yan, ma be fekdad e nifeng i yan ni gubin yay nra n’ag e nifeng gil’, ni aram e machib rok e girdi’ ni yad be bannag e girdi’, ni pi’in yad be pow’iy boch e girdi’ ko tin gathi ir ko ban ni kar ngongliyed rogon.

Filippi 3:2

Mu ayuweged gimed rok e pi’in yad be rin’ e tin nib kireb e ngongol, ni fapi pilis, ni aram fapi girdi’ ni yad be yog ni dabisiy ni ngan maad’ad ko dowef.

Kolose 2:5

Ya yugu da gu moy romed, machane bay lanin’ug romed, ma kug felan’ ngarogon ni kug guy nike muduwgil lanin’med me ir e ke chagiymed kam pired ni gimed bmuduwgil u fithik’ e michan’ romed ngak Kristus.

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

2 Timothy 4:15

Ere mu ayuwegnem rok, ya ri be togopluw ko thin rok Got ni gadad be wereg.

Hebrews 3:14

Ya gadad gubin ni gadad Jesus ngabang ni fa’anra da pired nike pagan’dad ngak Got nge yan i mada’ ko tomur ni bod rogon ni ud pired ko som’on.

1 Peter 5:9

Ere um pired nib muduwgil e michan’ romed ngak Kristus mi gimed togopluw ngak fare mo’onyan’, ya gimed manang ni pi’in yad be par u roy u fayleng ni polo’ ni Kristus e ke michan’rad ngak e gafgow ni be yib ngomed e ku ir e be yib ngorad.

2 Peter 2:7

Me chuweg Lot u rom nde buch ban’en rok, ni ir be’ ni bfel’ ni i kireban’ ko ngongol ni darngal ni be ngongliy e girdi’ ni dariyfan e motochiyel u wun’rad.

2 Peter 3:1

Pi tafager rog, ni gimed ba t’uf rog! Gi ney e babyor e ke gaman e ruw yay ngay ni kug yol ngomed. U lan e gali yang i babyor ney e kug guy rogon riy ni nggu puguran ngomed e pin’ey ni aram e gu be pug e tafinay nib machalbog u lanin’med.

Revelation 2:5

Mu leamnag n’umngin yang e gin ni kam mul riy! Mpi’ keru’um ko denen ni ga be rin’ ngam rin’ e n’en ni um rin’ ko som’on. Fa’anra dab mpi’ keru’um ko denen ni ga be rin’ ma bay gub ngom nggu chuweg fare ley i tagil’ e magal rom u tagil’.