2 Peter 3:16 - Bible Ni Thothup

¹⁶ Ireray rogon ni i yog u lan urngin yang e babyor rok ko ngiyal’ ni ba’aram ni i yoloy murung’agen e re bugithin ney. Bay boch ban’en u lan e babyor rok nib mo’maw’ ni ngan nang fan, ni girdi’ ndar nanged fan nge girdi’ ndar muduwgilgad e yad be tunguy fan ngar weliyed, ni bod rogon e n’en ni yad be rin’ nga yu thal e thin ni bay u lan e babyor nib thothup; ni aram e yad e kar girngiyed e gechig nga dakenrad ni aram e bay ni kireb nagrad.

2 Peter 3:16 Σταυροειδείς Αναφορές

Genesis 49:4

Ga bod e ran ni sugubur nge wagey nga daken e binaw, machane dab mpar ni gur e th’abi ga’ fam, ni bochan e kam pirew reb e ppin rog. Kam alitnag e k’iniy ni gil’ e chitamam!

1 Kings 10:1

Fare queen nu Sheba e rung’ag feni gilbuguwan Solomon, me milekag nga Jerusalem ni nge fith yu bugithin ngak Solomon nib mo’maw’ e fulweg riy nge nang ko riyul’ e tin ke rung’ag fa danga’.

Psalms 56:5

Pi to’ogor rog e yad be k’ar oloboch ngog ni polo’ e rran; yigu yad be leamnag kanawo’en ni ngar gafgow nigedgag!

Exodus 23:2

Dab mu uned ko kireb ni bochan e aram rogon nima rin’ e tin yo’or e girdi’, ara mu’uned ngorad ngan micheg ban’en nde riyul’ nge dabi gagyel e tin nib mat’aw.

Exodus 23:6

“Dab mu siyeged mat’wun be’ nib gafgow, nnap’an nra yib nga tafen e puf oloboch.

Jeremiah 23:36

Thangri dab roged e re thin nem ni ‘tomal rok SOMOL,’ ni bochan e fa’anra yog be’, ma bay gu gagiyegnag e thin rog ngari tomal ngak. Girdi’ e ka ra thilyegned fan e thin rok e Got rorad, nib Got nib fos, ni SOMOL ni Gubin ma Rayag Rok.

Habakkuk 1:4

Motochiyel e ke waer ma kem’ay fan, ma dakunir rin’ e tin nib yal’uw. Tin nib yal’uw e ka ni pingeg nga bang, ke yan i aw ni girdi’ ni kireb e kar gelgad ngak e pi’in yad ba mat’aw.

Matthew 15:3

Me fulweg Jesus ni ga’ar, “Mang ni kam paged e tin ni yog Got kam folgad ko tin ni gimed e mu sunumiyed gimed be machibnag?

Matthew 15:6

ma aram e dakuriy fan ni nge tayfan e chitamngin. Ireray rogon ni kam n’iged fan e thin rok Got kam folgad ko tin gimed e msunumiyed gimed be machibnag.

Matthew 22:29

Me fulweg Jesus ngorad ni ga’ar, “Ri gimed be oloboch! Bochan e da mu nanged e thin ni bay u lan e babyor nib thothup ara gelngin Got.

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

Hebrews 5:11

Bo’or ban’en ni bay ni ngad weliyed u murung’agen e re bugithin ney, machane rib mo’maw’ ni ngan weliy murung’agen ngomed, ni fan e ba sowath ni ngam nanged fan ban’en.

James 1:8

ya dawori muduwgil laniyan’ ko tin ni be rin’.

1 Peter 1:1

Re babyor ney e yib rok Peter ni ir e apostel rok Jesus Kristus — Ngak girdi’en Got ni Got e mel’egrad ni kar weargad ko nug nu Pontus, ngu Galatia, ngu Kappadocia, ngu Asia, ngu Bithynia ni yad be milnag e pogofan rodad.

1 Peter 2:8

Ma ku bayang e babyor nib thothup e be ga’ar, “Ireray fare malang ni bayi tun ay e girdi’ ngay, ni fare war ni bayi dol’ nagrad.” Kar dol’gad ni bochan e de michan’rad ko thin rok Got; aram e tin ke leamnag Got ngorad.

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

2 Peter 3:14

Pi tafager rog, n’umngin nap’an ni gimed be par ni gimed be sonnag e re Rran nem e ngu’um athamgiliyed ngam pired ni gimed bmachalbog ma dariy thibngimed u p’eowchen Got ma ngam pired nib aw e gapas u thilmed Got.

2 Peter 3:2

Gu ba’adag ni ngam leam niged fapi thin ni i yog fapi profet ni kakrom ni yad ba thothup, nge motochiyel ni yib rok Somol ni ir e ma thapegdad ngak Got ni fapi apostel romed e karogned ngomed.

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.