2 Peter 3:10 - Bible Ni Thothup

¹⁰ Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.

2 Peter 3:10 Σταυροειδείς Αναφορές

Psalms 102:26

Pin’ey e bayi m’ay, machane gur e bay mu par; gubin ni bayi wod ni bod e mad. Bay mu n’agrad ni bod e mad, ma bay ra m’aygad ngabang.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 97:5

Pi yochi burey e ranran ni bod e wax u p’eowchen SOMOL, u p’eowchen fare Somol ko fayleng ni polo’.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.

Isaiah 24:19

Ra yab’al e fayleng nge wear nge say.

Isaiah 34:4

Yal’, nge pul, nge pi t’uf e bayi pilpil nge ngal’ ni fiyath. Lanelang e ra chuw ni bod bangi babyor ni kan bachiy, ma pi t’uf e ra mul ni bod yuwan e gek’iy ni grape fa gek’iy ni fig ni mulmul.

Isaiah 51:6

Mu changar nga lanelang; ma ga changar ko fayleng! Lanelang e bayi m’ay ngabang ni bod e ath; ma fayleng e bayi wod ni bod e mad nike kaday, ma girdi’ riy e bay i yim’ ni bod e chachangeg. Machane pufrogon nge mat’aw ni nggu fek i yib e bayi par ndariy n’umngin nap’an; aram e gel ni nggu tay ko tomur.

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Joel 2:1

Ngan thoy e yabul u lan yu Zion; ni fare burey nib thothup rok Got. Gimed e girdi’ nu Judah mu t’on gad, ya fare rran rok SOMOL e ke chugur.

Joel 2:31

Ma bayi lumor e yal’, ma bayi pig ra’en e pul nge row ni bod e racha’ u m’on ndawori taw e re rran rok SOMOL nem, ni reb e rran ni ba ga’ ma ba gel e gafgow nra fek i yib.

Joel 3:14

Bokum e biyu’ e biyu’ e bay u lan fare Loway ko Pufthin. Ireram e re gin’en ndabki n’uw nap’an me taw fare rran rok SOMOL ngay.

Amos 9:13

Be ga’ar SOMOL, “Bay reb e rran ni bay taw ngay ni bayi ilal e grain nib papey boch nga payngin ni yi be t’ar wom’ngin, ma grape e ra tugul nib papey boch nga payngin ni yibe ngongliy e wayin riy. Pi burey e bay i lul’ e wayin ni bfel’ lamen riy, me tharey e yochi burey.

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Malaki 4:5

“Machane u m’on ndawori taw e re rran nem rok SOMOL, ni aram fare rran ni ba ga’ ma ba gel e gafgow riy, e bay gu l’oeg fare profet i Elijah nge yib ngomed.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Mark 13:31

Tharmiy nge fayleng e bay chuw, ma thin rog e ri dabi math bi’id.”

Luke 12:39

Mu ted fanmediyan ko re bugithin ney! Fa’anra manang e cha’ nib mil suwon e naun ngak e ngiyal’ nra yib e moro’ro’ riy nga naun rok, ma dabi pag e moro’ro’ nge yib nga naun rok.

Roma 8:20

Ya tin ni sunumeg Got e turguy Got ni nge m’ayfan, ni gathi yad e ra leam niged, machane bochan e Got e leamnag ni nge yodorom. Machane yad be son u fithik’ e pagan’,

1 Korinth 1:8

Ma ku bayi ta’med ni gimed bmuduwgil nge mada’ ko tomur, ni fan e nge yan i m’ug ndariy thibngimed ko Chirofen ni bay sul e Somol rodad i Jesus Kristus.

1 Korinth 5:5

e ir e ngam pi’ed e re mo’on nir riy ngak Satan ni fan e nge kirebnag Satan downgin, ya nge yag ni thap laniyan’ ngak Got nge taw ko chirofen ni Rran Rok Somol ni nge sul ma ke thap.

2 Korinth 1:14

e n’en ni kemus ni bochi yang e gimed manang fan riy e chiney, ni bochan e nge Chirofen ni sul Somol Jesus mrayag ni ngari mfelfelan’gad ngomad ni bod rogon ni bay gu felfelan’gad ngomed.

1 Thessalonika 5:2

Ya gimed ma ri gimed manang ni chirofen ni ir e re Rran rok Somol nem e bay taw ni bod be’ nib moro’ro’ ni yib nneap’.

1 Thessalonika 5:4

Machane gimed, pi walageg ni girdi’en Kristus, e dakumur pired u fithik’ e lumor, ere dabiyag ni ngam da’da’gad ko re Rran nem ni bod ba moro’ro’ ni mda’da’gad ngak.

2 Peter 3:11

Fa’anra urngin ban’en ma bay ni kirebnag ni aray rogon, me ere mit i mang girdi’ e susun e ngam boded? Pangimed e nge par nib thothup ma kam pi’ed gimed nga pa’ Got,

2 Peter 3:12

ma gimed be sonnag e chirofen nem, ni ir e Rran rok Got, mi gimed athamgiliy nrogon nrayag romed nge papey nge taw ngay — Rofen ni ba’aram ni bay yik’ lanelang nge kireb e urngin ban’en ni bay u lanelang e bayi ranrannag e gowel.

2 Peter 3:7

Machane lanelang nge re fayleng ney ni bay e chiney e ka re bugithin nem rok Got e ir e ke tay ni dabi kireb nge yan i mada’ ko ngiyal’ ni nge yib e nifiy i kirebnag. Ke tay Got ni dabi kireb ni fan ko chirofen ni bay ni pufthinnag e girdi’ nib kireb nge mu’ min kireb nagrad.

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Revelation 21:1

Ma aram mu gguy reb e tharmiy nge reb e fayleng nib be’ech. Fa bin som’on e tharmiy nge bin som’on e fayleng e yan ngabang, ma ku errogon e day ni chuw.

Revelation 3:3

Mu tafinaynag e n’en nni fil ngom nge rogon ni mu rung’ag; ere mu fol riy ma ga pi’ keruum ko denen ni ga be rin’. Ya fa’anra dab mu od ma bay gub ngom ni bod be’ nib moro’ro’, ya dab mu nang e re awa ni gu ra taw riy.

Revelation 6:14

Me yan lanelang nga bayang, ni gowa bangi babyor nni bichibichiy nge chuw, ma urngin e burey nge nam nib liyeg e day e nchuweg u tagil’.