2 Peter 2:8 - Bible Ni Thothup

⁸ Ya re mo’on nem ni bfel’ ni i par u fithik’rad u reb e rran nge reb e i guy ma i rung’ag e pin’em, ma be kireban’ ko ngongol rorad nib kireb.

2 Peter 2:8 Σταυροειδείς Αναφορές

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Psalms 119:139

Damumuw rog e be yik’ u fithik’ag ni bod ba nifiy, ni bochan e pi to’ogor rog e darir leam niged e tin kamog ni ngan rin’.

Psalms 119:158

Nap’an ni gu ra changar ko pi sasalap nem, mu gu sonogor, ni bochan e darir rin’ed e tin ni kam ta’chiylen.

Proverbs 25:26

Be’ nib manigil ni m’ing ngak be’ nib buchan’ e bod’ ba alublub nike aer aer ara ba luwed nike burow e ran riy.

Proverbs 28:12

Nap’an nra tolang be’ nib mat’aw me madnom gubin e girdi’, machane nap’an nra gagiyeg be’ nib kireb, me mith e girdi’.

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Ezekiel 9:6

Mu thanged e pogofan rok e pumo’on nike pilibthir, pagel, rugod, matin, nge bitir. Machane dab mu bit’gad ko en ni bay e pow u peri’. Mu tababgad u roy ko Tempel rog.” Ma aram miyad tabab ngar li’ed e pi tayugang’ ni yad ba sak’iy u rom ko Tempel.

1 Timothy 1:9

Machane thangri dab ni pag talin ni pi motochiyel e ni ngongliy ni gathi fan ngak e girdi’ ni bfel’, ya fan ngak e pi’in yad ma th’ab e motochiyel nge pi’in yad ma togopluw ko motochiyel, nge pi’in ndariyfan Got u wun’rad ma yad be ngongliy e tin nib kireb, nge pi’in ndarir liyorgad ngak Got nge pi’in ndariy ban’en nib thothup u wun’rad, nge girdi’ ni kar thanged e pogofan rok e chitamangirad ara chitiningrad, ma fan ngak e pi’in yad ma thang e pogofan ko girdi’,

Hebrews 11:4

Michan’ rok Abel ngak Got e ir e pow’iy Abel nge pi’ ngak Got e maligach ni kabfel’ ko maligach ni pi’ Kain. Michan’ rok Abel ngak Got e ir e fal’eg Abel u wan’ Got me matha’eg Got ngak Abel nike mang be’ nib mat’aw, ya bm’agan’ Got ko maligach ni i pi’ ngak Got. Yugu aram rogon nike yim’ Abel, machane michan’ rok ngak Got e ka be non.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.