2 Peter 2:20 - Bible Ni Thothup

²⁰ Ya fa’anra chuw e girdi’ u fithik’ e tin nib kireb e ngongol u roy u fayleng ni ir e ma kireb nigey ni bochan e kar nanged e Somol rodad i Jesus Kristus ni ir e ma thapegdad ngak Got, miki kolrad e kireb bayay nge gel ngorad, ma aram e pi girdi’ nem e yad ra par nike gel boch e kireb rorad ko som’on.

2 Peter 2:20 Σταυροειδείς Αναφορές

Ezekiel 33:13

Fa’an mang e ku gu micheg e yafos ngak be’ ni bfel’, machane me leamnag nike gaman e tin ni bfel’ nike rin’, me tabab ngi i denen, ma aram e gag e bay gu pagtilin fa pin’en ni bfel’ ni i rin’, ma ir e bayi yim’ ni bochan e denen rok.

Levitikus 13:20

Ma fare prist e nge guy fa’anem, ma fa’anra ke chur lanmit nga’ar ma ke thil ra’en e piy u lanmit ke wech, ma fare prist e nge yog ni fa’anem e ke ta’ay. Aram e ba m’ar ko dowef ni ubchiya’ ni sum u luwan fare lot.

Levitikus 13:55

Ma aram e thingar ki guy, ma fa’anra fare pthethaw e de thil ra’en, ni yug aram rogon ni de garar, ma ngki par nib ta’ay; thingar mu ufiy fare n’en, ni demturug ko bay fare pthethaw u m’on ko fare n’en fa tomur riy.

Levitikus 14:43

Ma fa’an ku ra sum bayay fare pthethaw u lan fare naun nga tomuren ni kan chuweg fapi malang ma kan ker e thal ni langgin e rungrung u ba’an naun,

Numbers 24:20

Mi ni piliyeg e changar rok Balaam me guy piyu Amalek me weliy e re yi’iy ni ba’aray: “Yu Amalek e immoy ni ir e ba th’abi gel u fithik’ e pi nam, machane bayi taw ko tomur min thirif u but’.”

Deuteronomy 32:29

De pat ngan’rad ko mang ni kar waergad, der nanged fan ko mangfan nike yodorom.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

2 Timothy 2:4

Ba salthaw ni be un ko mael e der ma un ko tin be muruwliy e girdi’ ni gathi salthaw, ya ba’adag ni nge yan nga laniyan’ e en ni pilungen e ba’ rok e salthaw.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

2 Peter 1:11

Ireray kanawo’en me yag nni pi’ mat’awmed ni aram e gimed ra yan ngalan e gin’en ni bayi par ndariy n’umngin nap’an, ni aram e gin’en ni suwon e Somol rodad i Jesus Kristus, ni ir e en nma thapegdad ngak Got.

2 Peter 1:2

Ngi i ayuwegmed Got ma be pi’ e gapas nga lanin’med nge yan i mus ngarogon u daken murung’agen Got ni kam nanged nge Jesus ni ir e Somol rodad.

2 Peter 1:3

Gelngin Got e ke pi’ ngodad urngin e tin nge yag ngodad ngad pired ko wok ni ir e mm’agan’ Got ngay ni bochan e kadnanged fa’anem ni ir e ke piningdad ni ngad uned ngak ko fla’ab ni bay rok ma gadad rin’ e tin nib mat’aw ni bod ir.

2 Peter 1:4

Ireray rogon nike tow’ath nagdad ko pin’en nib th’abi fel’ nike micheg ngodad, ya nge yag ngomed e tin ke weliy nra pi’ ngomed mi gimed thay ko ar’ar nma kireb nigey ni bay u roy u fayleng, me yag ngomed rarogon Got.

2 Peter 1:8

Ireray e pin’en ni nge yag ngomed, ya rayag ngomed ni pire’ ma gimed ra pasig me yib fan murung’agen e Somol rodad i Jesus Kristus ni kam nanged.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.