2 Peter 2:13 - Bible Ni Thothup

¹³ puluwon ni bay ni pi’ ngorad e gafgow, ni bochan e gafgow ni kar ted ko girdi’. Ma rogon e felfelan’ ni yad ma tay e ngar ngongliyed u lan e tamilang e tin ni ir e be ar’arnag e dowef rorad nge tin ni ir e yad be yim’ ni bochan; ya yad ma girngiy e tamra’ nge ngachal nib kireb i yib ngomed ko ngiyal’ ni yad ma yib ra uned riy ngomed ko mu’ulung nge abich, ma yad be felfelan’ ko pi ngongol ni yad be rin’ ni ir e yad be bannag e girdi’ ngay!

2 Peter 2:13 Σταυροειδείς Αναφορές

Tang Ko Pitang 4:7

Adag rog, ri gab pidorang; ni dabiyag i yog fel’ngim!

Isaiah 3:11

Machane girdi’ nib kireb e gafgow yad; ya tin ur bucheged rok boch e girdi’ e nge buch rorad e chiney.

Roma 13:13

Marod ngad rin’ed e tin nib mat’aw, ni bod rogon e girdi’ nma par u fithik’ e tamilang ko rran; dab da uned ko madnom ni bay e mu’un rrum riy ara chingnag, ara un mith ngu’un par ndawor ni mabgol ara un puwlag, dab un cham ara i awan’uy ngak be’.

Efesus 5:27

ni fan e nge yag ni pi’ e re galesiya nem ngak nrib gamog, ma bmachalbog ma dariy thibngin, ma dariy bochi yang i alit riy ara bang nike mu’dul, ara bang riy nde fel’.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

1 Peter 4:4

Pi’in ndar nanged Got e kar gin gad ni fan e dakumur uned ngorad ko ngongol nib kireb ni yad be ngongliy, ma aram fan ni yad be yog e thin nib kireb ngomed.

2 Peter 2:15

Ya kar paged fare pa’ i kanawo’ nib k’iy kar olobochgad; ma kar leked fare pa’ i kanawo’ ni lek Balaam ni be’ nib mo’on ni Beor e chitamngin, mi Balaam e t’uf rok e salpiy ni yira pi’ ngak ni fa’anra ngongliy e tin nib kireb,

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.