2 Peter 1:8 - Bible Ni Thothup

⁸ Ireray e pin’en ni nge yag ngomed, ya rayag ngomed ni pire’ ma gimed ra pasig me yib fan murung’agen e Somol rodad i Jesus Kristus ni kam nanged.

2 Peter 1:8 Σταυροειδείς Αναφορές

Proverbs 19:15

Mu par ni arogon ni ga ba gamead; ngu’um mmol, machane ga ra yim’ ko bilig.

Matthew 13:22

Ma awoch ni wear nga fithik’ e pan ni bay rachangalen e be yip’ fan e pi’in nrung’aged e thin rok Got, ma bochan e magafan’ rorad ko re par rodad ney u fayleng nge chogowen e fel’ rogon e yib i thang u wun’rad fare thin rok Got nnog ngorad, ma dakur k’ufgad.

Matthew 20:3

Miki yan bayay nga market ko mereb e kolok me guy boch e pumo’on ni yad be sasak’iy u rom ndariy ban’en ni yad be rin’,

Matthew 20:6

Ke chugur ni nge lal e kolok me yan nga market me guy boch e pumo’on ni ka yad be sasak’iy u rom. Me fithrad ni ga’ar, ‘Mangfan ni gimed be adbey e bin daba’ e rran u roy ndamur rin’ed ban’en?’

Matthew 25:26

Me ga’ar e masta rok, ‘I gur e re tapigpig nir ni gab kireb ma gab malmal! Ga be yog ni ga manang ni gu ma fek ban’en ko gin nda gu yung ban’en riy, ma gu ma fek e ggan ko gin nda gu wereg awochngin e woldug riy?

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 5:42

Machane gimed e gu manangmed; gu manang nde t’uf Got u lanin’med.

Roma 12:11

Mmaruwelgad nib gel, ma dab um malmalgad. Mpigpiggad ngak Somol ni gimed ba pasig ngay u lanin’med.

1 Korinth 15:58

Ere pi walageg ni girdi’en Kristus, um pired ni gimed bmuduwgil. Gubin ngiyal’ ma ngu’um muruwliyed e maruwel romed ni fan ngak Somol, ya gimed manang ni pigpig ni gimed be tay ngak Somol e gathi ra yan i aw nib m’ayfan.

2 Korinth 13:5

Mu changargad ngomed ko gimed be par ni gimed be ngongol u fithik’ e michan’ romed ngak Kristus fa danga’. Bmuduwgil ni gimed manang ni bay Kristus u fithik’med fa? Fa’anra danga’ me ere kam mulgad.

2 Korinth 8:2

Ba gel e sikeng ni kan tay ngorad ko gafgow ni yib ngorad; machane ri ba ga’ e felfelan’ rorad ni bo’or e tin ni ur pi’ed ban’en, ni yugu aram rogorad nri yad ba gafgow.

2 Korinth 8:7

Gimed e ri bo’or ban’en romed: ni aram e michan’, nge salap ko welthin, nge tin gimed manang, nge rogon ni gimed ba’adag ni ngam pi’ed e ayuw, nge rogon ni gamad ba t’uf romed. Ere gamad ba’adag ni ngkum pi’ed boch ban’en ni pire’ ko re ayuw ney ni ayuw u fithik’ e t’ufeg.

2 Korinth 9:14

Ma aram e bay ra pi’ed e meybil romed ngak Got ni bochan e kari mu t’ufgad rorad ma bochan e ayuw nike pi’ Got ngomed nike pag rogon.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

Filippi 2:5

Rogon e leam nge pangin ni nge yag ngomed e fare leam nge fare pangin ni immoy rok Kristus Jesus ni ba’aray:

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

Kolose 2:7

Mu ted lik’ngimed nib to’ar nga fithik’ Kristus, mu ubunged e ngongol romed nga daken ya ir e def romed, mi i gel i yan e mich romed ngak, ni bod rogon ni kan fil ngomed. Mu um pininged e magaer ngak.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

1 Thessalonika 3:12

Rogon ni nge t’uf bigimed rok bigimed nge rogon ni nge t’uf urngin e girdi’ romed, e Somol e nge ayuwegmed riy nge gel i yan nge yan i par ni bod gelngin ni gimed ba t’uf romad.

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.

1 Timothy 5:13

Ma ku errogon ni bayi n’en miyad ra fil rogon ni ngar adbeyed e tayim rorad ko yan ni yad ma tay u mit e tabinaw; machane gathi kemus aray, ku yad ma fil rogon e dugdug thin ma yad be yan ra magawon niged e maruwel rok boch e girdi’, ni yad be weliy murung’agen bogi ban’en nsusun e dab ra weliyed murung’agen.

Titus 3:14

Mu guy rogon e tirodad e girdi’ ngu’ur ngongliyed e maruwel ni bfel’, ya ngar yag niged e tin ndabisiy ni nge yag ngorad ban’en ma ku ra ayuweged boch e girdi’ ngay; ma dab ra pired ni yad be ngongliy e tin ndariyfan.

Filemon 1:6

Gu be meybil ni ta’ab girdi’ ni kad ted ni bochan e michan’ rodad ngak Kristus e bayi ayuwegmed ngam nanged fan urngin e tin ni bfel’ ni be yib ngodad u daken Jesus Kristus.

Hebrews 6:12

Dabumad ni ngam malmalgad, machane ngam pired ni gimed bod e pi’in nib mich Kristus u wun’rad ma ba gum’an’rad, ma aram fan nike yag ngorad e tin ni yog Got nra pi’.

2 Peter 1:2

Ngi i ayuwegmed Got ma be pi’ e gapas nga lanin’med nge yan i mus ngarogon u daken murung’agen Got ni kam nanged nge Jesus ni ir e Somol rodad.

2 Peter 1:3

Gelngin Got e ke pi’ ngodad urngin e tin nge yag ngodad ngad pired ko wok ni ir e mm’agan’ Got ngay ni bochan e kadnanged fa’anem ni ir e ke piningdad ni ngad uned ngak ko fla’ab ni bay rok ma gadad rin’ e tin nib mat’aw ni bod ir.

2 Peter 2:20

Ya fa’anra chuw e girdi’ u fithik’ e tin nib kireb e ngongol u roy u fayleng ni ir e ma kireb nigey ni bochan e kar nanged e Somol rodad i Jesus Kristus ni ir e ma thapegdad ngak Got, miki kolrad e kireb bayay nge gel ngorad, ma aram e pi girdi’ nem e yad ra par nike gel boch e kireb rorad ko som’on.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.