2 Peter 1:7 - Bible Ni Thothup

⁷ ma yan nga laniyan’ Got ni gimed be tay e ngam puthuyed ngay rogon nib t’uf bigimed rok bigimed nrogon e pi’in kar walaggad u daken Kristus; ma rogon nib t’uf bigimed nrogon e pi’in kar walaggad u daken Kristus e ngam puthuyed e t’ufeg ngay.

2 Peter 1:7 Σταυροειδείς Αναφορές

Roma 12:10

Nge bigimed me t’uf bigimed rok nrogon e walag ni girdi’en Kristus, ma nge pasigan’med ngay ni nge bigimed mi i tay fan bigimed.

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Kolose 3:14

Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon.

1 Thessalonika 3:12

Rogon ni nge t’uf bigimed rok bigimed nge rogon ni nge t’uf urngin e girdi’ romed, e Somol e nge ayuwegmed riy nge gel i yan nge yan i par ni bod gelngin ni gimed ba t’uf romad.

1 Thessalonika 5:15

Mu um guyed rogon ni dabi fulweg be’ taban e kireb ngak be’, ma gubin ngiyal’ ni ngu’um guyed rogon ni nge bigimed mi i rin’ e tin ni bfel’ ngak bigimed nge ngak urngin e girdi’.

Hebrews 13:1

Um pired ni ra bigimed ma ba t’uf bigimed rok nrogon e walag nma par u fithik’ Kristus.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 Peter 2:17

Mi gimed tayfan urngin e girdi’, ma nge t’uf romed e picha’ ni gimed nike mich Got u wun’rad, nge yib madgun Got u wun’med, mi gimed tayfan e en ni ir e Emperor ni ga’.

1 Peter 3:8

Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.

1 John 3:14

Gadad manang ni kad chuwgad ko yam’ kadbad ko ba’ ni bay e yafos riy; kadnanged ni bochan e ke t’uf rodad pi walagdad ni girdi’en Kristus. En ndariy e t’ufeg rok e kab yam’.

1 John 3:16

Ba’aray tapgin ma kadnanged fan e t’ufeg: Kristus e ke pi’ e pogofan rok ni fan ngodad. Ere ku er rogodad nsusun e ngad pi’ed e pogofan rodad ni fan ngak pi walagdad!

1 John 4:21

Ere ba’aray e n’en ni yog Kristus ni ngad rin’ed ni ga’ar: en nib t’uf Got rok e ku errogon nthingari t’uf rok walagen ni girdi’en Kristus.