2 Peter 1:15 - Bible Ni Thothup

¹⁵ Ere bay gguy rogon ngu’um pired ndab mpaged talin e pin’ey ni gubin ngiyal’ u tomuren ni ku gum’.

2 Peter 1:15 Σταυροειδείς Αναφορές

Psalms 71:18

A Got, chiney ni kug pilibthir ma ke mat lolgeg, e dab mu n’igeg! Mu par rog ko ngiyal’ ni gu be weliy gelngim nge fenam gel ngak gubin e mfen ni bayib.

Luke 12:58

Fa’anra togopluw be’ ngom nge ga’ar e nge fekem nga tafen e puf oloboch, ma ngar mu guy rogon nge fel’ thilmew ko ngiyal’ ni gimew bay u kanawo’ ni gimew be sor i yan nga tafen e puf oloboch, nge siy i fekem i yan nga p’eowchen e tapuf oloboch, me fekem e tapuf oloboch nge pi’em ngak e polis, me tiyem e polis nga kalbus.

Luke 9:31

nra m’uggow ni be galgal ram’en dowrow ni bod rogorow u tharmiy, mu ur nonod Jesus ni yad be weliy murung’agen nge rogon ni dabi n’uw nap’an me mu’nag e tin ke finey Got ni nge ngongliy ni aram e nge yim’ u Jerusalem.

2 Thessalonika 2:5

Da kum nanged e pi thin ney? Urngin e pi thin ney ma kugog ngomed ko fa ngiyal’nem ni ug moy romed.

2 Timothy 2:2

Mfek fapi thin ni mu rung’ag ni gu machibnag u p’eowchen e girdi’ ni yo’or ni yad e mich riy, ngam pi’ ngak e pi’in pumo’on nike pagan’um ngorad, ni pi’in pumo’on ni ku rayag ni ngar machib niged boch e girdi’.

Hebrews 11:4

Michan’ rok Abel ngak Got e ir e pow’iy Abel nge pi’ ngak Got e maligach ni kabfel’ ko maligach ni pi’ Kain. Michan’ rok Abel ngak Got e ir e fal’eg Abel u wan’ Got me matha’eg Got ngak Abel nike mang be’ nib mat’aw, ya bm’agan’ Got ko maligach ni i pi’ ngak Got. Yugu aram rogon nike yim’ Abel, machane michan’ rok ngak Got e ka be non.

2 Peter 1:12

Ireray fan ni gubin ngiyal’ ni bay ug puguran ngomed e pin’ey, ni yugu aram rogon ni kam nanged ma kam pired ni gimed bmuduwgil u fithik’ e tin ni ir e ba riyul’ ni kam nanged.