2 Kronicles 4:2 - Bible Ni Thothup

² Miki ngongliy ba teng nib bronze ni ba lulbuy, ni medlip nge baley e fit to’marngin, ma ragag nge lal e fit u barba’ nga barba’, ma aningeg i ragag nge lal e fit ga’ngin lukngun ni kan liyeg e fol riy.

2 Kronicles 4:2 Σταυροειδείς Αναφορές

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Titus 3:5

me chuwegdad ko kireb nge thapegdad ngak Got. Ma gathi rin’ ni aram rogon ni gomanga bochan e ngongol ni bfel’ ni kad ngongliyed, machane bochan e be runguydad, ma aram me chuwegdad ko kireb nge thapegdad ngak Got u daken e maluk ni tay ngodad, nu daken e re maluk ney e ir e pi’ fare Kan Nthothup e bin nib be’ech e gargel nge bin nib be’ech e pangin riy ngodad.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

2 Kings 25:13

Me t’ar e girdi’ nu Babylonia fapi duga’ nni ngongliy ko wasey ni bronze ni bay u lan e Tempel, nge ay e pin’en ni yima maruwel ngay u Tempel, nge fare teng ni ba ga’ nni ngongliy ko wasey ni bronze, miyad fek urngin e pin’em nni ngongliy ko wasey ni bronze nga Babylon.

2 Kronicles 4:3

Mu mirichlen fare teng u wuru’ e bay l’agruw thal i nunuw riy ni bay ba thal nga daken ba thal. Pi nunuw n’em riy e ya’an e garbaw ni pumo’on, ni ka ni ngongliy nib peth ko fare teng.

Exodus 38:3

Miki ngongliy urngin tatalin fare altar: bogi th’ib, nge bogi sebel, nge bogi dabiy, nge bogi fok nib ga’, nge yu raba’ ban’en ni fen e fek nifiy. Urngin e pi tatalin e altar ney me ngongoliy ko bronze.

Exodus 38:8

I ngongliy barba’ i dabiy nge ay ko wasey ni bronze, ni ngongliy u yuyang i therik ni fen e ppin ni yad ma pigpig u mit fare Tent u p’eowchen SOMOL.

1 Kronicles 18:8

Miki fek e bronze ni yo’or u Tibhath ngu Kun, gal binaw ney e i gagiyegnag Hadadezer. (Pi bronze ney e munmun me fanay Solomon nge ngongliy ba teng ngay, nge yuler i duga’, nge mam’en e Tempel.)