2 Kings 2:3 - Bible Ni Thothup

³ Me yib ba ulung i profet ni yad ma par u rom ngak Elisa me lungurad ngak, “Mog, ga manang ni bayi fek SOMOL e masta rom e daba’?” Me ga’ar Elisa, “Gu manang, ere dab kud weliyed murung’agen.”

2 Kings 2:3 Σταυροειδείς Αναφορές

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

1 Kings 20:35

I yog ba profet ni girdi’en ba ulung i profet ngak bagyad fapi profet ni yow nga ulung ni nge pirdi’iy, ya aram rogon nike yog SOMOL ngak. Machane de rin’ facha’,

2 Kings 2:15

Me guy fa wugem i profet nu Jeriko Elisa me lungurad, “Gelngin Got ni immoy rok Elijah e ke yag ngak Elisa.” Miyad yib ngak ngarbad ra parawgad nga but’ u p’eowchen,

2 Kings 2:5

Me yib ba ulung i profet ni yad ma par u rom ngak Elisa me lungurad ngak, “Mog, ga manang ni bayi fek SOMOL e masta rom e daba’?” Me ga’ar Elisa, “Gu manang, ere dab kud weliyed murung’agen.”

2 Kings 2:7

me lekrow wugem fapi profet nga Jordan. Me tal Elijah nge Elisa u to’oben e lul’ ni Jordan, me sak’iy fapi wugem i profet nib orel boch rorow.

2 Kings 4:1

Be’ ni bpin nike yim’ figirngin ni immoy ni ir reb i girdi’en ba ulung i profet e yan ngak Elisa me ga’ar ngak, “Siro’, ke yim’ figirngig! Ma bod ni gamnang ni ir be’ nib pumo’on ni bay madgun Got u wan’, machane chiney e keb be’ nib pumo’on ni bay e salpiy ni malfith rok figirngig ngak ni nge fek l’agruw i pagel ni fakag ngar mangew sib ni nge yan nga puluwon fare malfith.”

2 Kings 4:38

Bayay ni yib e uyngol u ga’ngin yang e re binaw nem, me sul Elisa nga Gilgal. Ngiyal’ ni be skulnag ba ulung i profet, me yog ko tapigpig rok ni nge tay ba th’ib nib ga’ nga daken e nifiy nge ngongliy e stew ni garad.

2 Kings 5:22

Me ga’ar Gehazi, “Dangay, masta rog e ke l’ugeg ni nggog ngom ni ka fini yigi taw l’agruw i chonggin e pi profet ni yad ma par u Efraim ni go’ burey. Ba’adag Elisa ni ngam pi’ dalip e biyu’ yang e silber nge ruw wu’ e mad ni bfel’ ngorow.”

2 Kings 6:1

Ba ulung i profet nma yog Elisa e thin rorad e lungurad ngak Elisa, “Gin’en ni gadad be par riy e kayigi achig.

2 Kings 9:1

Ma ngiyal’nem me pining Elisa ni profet reb fa tin kab pagel e profet me ga’ar ngak, “Mu fal’eg rogom ngam man nga Ramoth u Gilead. Mu fek e re malor i gapgep ney ni olive nge un ngom,

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Amos 7:14

Me fulweg Amos ni ga’ar, “Gathi gag e mitin be’er e profet nma yi’iy ni ngan pi’ puluwon. Gu ma gafaliy e gamanman ma gu ma ayuweg yungi woldug ni gek’iy ni fig.

Acts 22:3

“Gu be’ u Israel, nni gargel nigeg u Tarsus u lan yu Cilicia, machane min chuguliyeg u roy u Jerusalem, me gag reb e bitir ni sukul nigeg Gamaliel. Rib gel e sukul ntay ngog u murung’agen fare Motochiyel rok e pi chitamangidad, ma ri ug liyor ngak Got ni bod gimed e pi’in gimed bay u roy e daba’.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

1 Samuel 10:5

Ma aram e ngam man ko fare burey rok Got ni bay u lan yu Gibeah, ko gin be par e Filistine riy. Ma bay mmada’nag ba ulung i profet u langan e garog ko binaw ni karbad ko fare altar u daken e burey, ni bay girdi’en e musik nga m’on rorad ni yad be chubeg tatelin e musik ni harp, nge drum, nge ngal, nge lyre. Ma yad be churu’ ma yad be tolul.

1 Samuel 19:20

me l’oeg boch e pumo’on ngranod ni ngar koled David ngar feked i yan ngak. Miyad guy ba ulung i profet ni yad be weliy e yi’iy, ni Samuel e bay nga m’on rorad. Ma aram me yib i ying gelngin Got ngak fapi pumo’on nike l’ograd Saul, ma ku er rogon yad nra tababgad i weliy e yi’iy.