2 Kings 1:3 - Bible Ni Thothup

³ Machane me yog ba engel rok SOMOL ngak Elijah, ni fare profet nu Tishbe, ni nge yan i mda’nag fapi tamal’og rok Ahaziah ni Pilung nge fithrad, ni nge ga’ar, “Mangfan ni gimed be yan ni ngam fithed laniyan’ Baalzebub, ni got nu Ekron? Mogned, bochan e gimed be leamnag ndariy e got u Israel?

2 Kings 1:3 Σταυροειδείς Αναφορές

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 18:1

Me yan i bingyal’ u lan e bin dalip e duw ni daki aw e n’uw, me ga’ar SOMOL ngak Elijah, “Mman ngam m’ug ngak Ahab ni Pilung, ya bay gu pi’ e n’uw nge yib.”

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

1 Kings 19:5

Me pag ir nga but’ u tan fare ke gek’iy me mol. Me gin nike yib ba engel i math ngak me ga’ar, “Mu od ngam abich.”

1 Kings 19:7

Me sul fare engel rok SOMOL me pug bayay ni ga’ar, “Mu od ngam abich, ya ba n’uw e kanawo’ ni ngam man riy.”

1 Kings 21:17

Me ga’ar SOMOL ngak Elijah ni fare profet ni be’ u Tishbe,

2 Kings 1:2

Ahaziah ni Pilung nu Israel e mul u daken e naun rok nga but’ u Samaria nge maad’ad nib gel. Ma aram me l’oeg boch e tamal’og ni ngar fithed lanyan’ Baalzebub, ni got rok fare binaw nu Ekron u Filistia, ni nge nangfan ko ku ra gol fa dangay.

2 Kings 1:6

Mar fulweged, ni lungurad, “Ke yib be’ nib mo’on i mda’nagmad me yog ngomad ni nggu sulod nggogned ngom ni be ga’ar SOMOL ngom, ‘Mangfan ni ga be l’oeg e pi tamal’og ni ngar fithed laniyan’ Baalzebub, ni got nu Ekron? Mog, bochan e ga be leamnag ndariy e got u Israel? Dab kum gol ko re mad’ad rom nir; bay mum’!’”

2 Kings 1:8

Mar fulweged ni lungurad, “Ke chuw ngab mad nib n’uw nni ngongliy ko keru’ e gamanman ni kan m’ag bangi leed ni keru’ e gamanman ngay.” “Ir Elijah!” tolulnag fare pilung.

2 Kings 5:15

Me sul ngak Elisa ni yad e pi’in nra uned ngak me ga’ar, “Chiney e kug nang ndariy yugu reb e got nga bang, ya kemus ni Got nu Israel e bay; ere wenig ngom, mfek e tow’ath rom ni kug pi’.”

2 Kings 5:8

Faani rung’ag Elisa ni profet ni aram rogon me pi’ e thin nge yan ngak fare pilung nu Israel ni be ga’ar ngak: “Mangfan ni kam rus? Mol’og e re mo’on nir ngeb ngog me nang ni bay reb e profet u roy u Israel!”

Psalms 76:1

Got e go’ yim nang u Judah; ma yima mathangeluwolnag fithngan u Israel.

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Jonah 2:8

Pi’in yad be toer ngak fapi liyos ndabiyag ni ngar ayuwegned be’ e kar paged gur ni dakurir yul’yul’gad ngom.

Mark 3:22

Ma boch e tamchib ko Motochiyel ni karbad u Jerusalem e yad be yog ni be lungurad, “Ke yib i ying Beelzebul ngak! Pilungen e mo’onyan’ e ir e ke pi’ gelngin Jesus nrayag ni nge tuluf e mo’onyan’.”

Acts 8:26

Me non ba engel rok Somol ngak Filip ni ga’ar, “Mu fal’eg rogom ngam sor ko yimuch ko fare pa’ i kanawo’ ni yan u Jerusalem nga Gaza.” (Re pa’ i kanawo’ nem e dakunir yan riy.)

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,