1 Timothy 5:3 - Bible Ni Thothup

³ Mu tayfan e pi’in ni ppin nike yim’ figirngirad, ni pi’in nri dariy be’ ni be ayuwegrad.

1 Timothy 5:3 Σταυροειδείς Αναφορές

BABYOR NI JOB 29:13

Girdi’ ni karbilged t’ay e gafgow e yad ma athpegeg, ma gu ma ayweg e pi’in ke yim’ figirngirad nge dabi buch ban’en rorad.

BABYOR NI JOB 31:16

Dariy ba ngiyal’ ni gomanga kug siyeg ndab gu ayuweg e pi’in gafgow, ma pi’in ni ppin nike yim’ figirngirad e dariy ba ngiyal’ ni gu pag bagyad nda gu ayuweg,

Psalms 146:9

Ma yoror ko pi milekag ni yad ma par u daken e but’ rodad; ma ayuweg e pi’in ke yim’ figirngirad nge pi’in kanim’ rorad, machane ma kirebnag wo’en e pi’in kireb.

Psalms 68:5

I Got, nma par u lane Tempel rok nib thothup, e ma ayweg e pi’in kanim’ rorad mma yoror rok e pi’in ke yim’ figirngirad.

Psalms 94:6

Yad be thang e fan rok e pi’in ke yim figirngirad nge pi’in kanim’ rorad, ma yad be thang e pogofan rok e milekag ni yad be par u daken e but’ romad.

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Jeremiah 49:11

Mu paged e pi aromed ni kanim’ rok rog, bay gu chothowliyrad. Pi aromed nike yim’ figirngin e rayag ni ngar toergad ngog.

Matthew 15:6

ma aram e dakuriy fan ni nge tayfan e chitamngin. Ireray rogon ni kam n’iged fan e thin rok Got kam folgad ko tin gimed e msunumiyed gimed be machibnag.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Luke 2:37

me yim’ e pumo’on rok me par ni go ir nge gaman meruk i ragag nge aningeg e duw yangren. Nder pag e Tempel, ni rran nge neap’ ni be liyor ngak Got, ma be pag e abich ma be meybil.

Luke 7:12

Ma nap’an ni yigi mada’ nga langan e garog ko fare binaw, me guy e girdi’ ni karbad ni ngranod ko gum’eyag. Ma re pagel ni ba’aram nike yim’ e bochi cha’ ni kari maagirag rok be’ ni bpin ni ku ke yim’ e pumo’on rok, ma bo’or e girdi’ ni kar uned ngak u lan e binaw i yib.

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Acts 6:1

Munmun ma aram e be yo’or pi gachalpen Jesus i yan, me yib i malu’ag thin piyu Israel ni pi’in yad ma non ni thin ni Greek nge pi’in nni gargelegrad u Israel. Tin ni ba’aram e girdi’ nu Israel ni yad ma non ni Greek e rogned ni tirorad e ppin ni pi’in ke yim’ figirngirad e gubin e rran ni yira f’oth ban’en ma yibe pagrad.

Acts 9:39

Ma aram me yib i fal’eg Peter rogon nge mu’ me un ngorow ngranod. Ma fa’ani taw mi ni fek i yan ko fare senggil ni bay ko thal ni lang fare naun. Ma urngin fapi ppin nike yim’ figirngirad nra mu’ulunggad ngak ni kar cholngobiyed, ni yad be yor ma yad be dag ngak yu wu i kenggin e mad nge yu wu i wuru’ e mad ni ngongliy Dorkas ko ngiyal’ ni ba’aram ni kabfos.

Acts 9:41

Me kol Peter pa’ nge ayuweg nge sak’iy. Ma aram me pining Peter fa pi’inem nib mich Jesus u wun’rad nge fapi ppin nike yim’ figirngirad, me pi’ fa’anem i Tabitha ngorad nike fos.

Deuteronomy 10:18

Ma guy ni nge par ni ngu’un ayuweg e pi’in kanim’ rorad nge pi’in keyim’ figirngirad; ma t’ufeg e milekag ni yad bay u fithik’ e girdi’ rodad mma pi’ ngorad e ggan nge mad.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Deuteronomy 16:14

Mi gimed felfelan’ u ta’bang, ni gimed nge pifakmed, nge pi tapigpig romed, nge pi Levi, nge girdi’ nu boch e nam, nge pi’in kanim’ rorad, nge pi’in ke yim’ figirngirad ni yad ma par u lan e yochi binaw romed.

Deuteronomy 27:19

“‘Nge bucheg Got wa’athan e en nra sasalpiy mat’wun e pi milekag ni yad be par u fithik’med, nge pi’in kanim’ rorad, nge pi’in ke yim’ figirngirad.’ “Me fulweg e girdi’ ni gubin ni lungurad, ‘Amen!’

1 Thessalonika 2:6

Gathi ug guyed rogon ni nge yog bigimed ara be’ e sorok ngomad,

1 Timothy 5:2

ma ku er rogom ngak e pi’in ni puwelwol ni gowa yad pi chitinam, ma ku errogon e ngongol rom, ngak e pi’in nrugod ni ngar pired ni gowa yad pi walagem ni ppin nib machalbog lanin’um ngorad.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

1 Peter 2:17

Mi gimed tayfan urngin e girdi’, ma nge t’uf romed e picha’ ni gimed nike mich Got u wun’rad, nge yib madgun Got u wun’med, mi gimed tayfan e en ni ir e Emperor ni ga’.

1 Peter 3:7

Ma ku er rogomed e pi’in ni pumo’on ni ngu’um pired pi leengimed ma thingar um nanged ni yad mme’waer ko pumo’on, ere thingar um ted farad; ya ku er rogorad nra pi’ Got e tow’ath rorad ni yafos ni bod gimed. Mu rin’ed ni aray rogon nge dabi magawon ban’en ko meybil ni gimed be pi’ ngak Got.