1 Timothy 5:2 - Bible Ni Thothup

² ma ku er rogom ngak e pi’in ni puwelwol ni gowa yad pi chitinam, ma ku errogon e ngongol rom, ngak e pi’in nrugod ni ngar pired ni gowa yad pi walagem ni ppin nib machalbog lanin’um ngorad.

1 Timothy 5:2 Σταυροειδείς Αναφορές

Matthew 12:50

Ya en nra rin’ e tin nib m’agan’ e Chitamag nu tharmiy ngay e ir e walageg ni pumo’on, ma walageg ni ppin, ma chitinag.”

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

1 Thessalonika 5:22

mi gimed ta’med u orel rok urngin mit e kireb.

1 Timothy 4:12

Dab mu pag be’ nge darifan nigem ni bochan e ka gab pagel, machane ngam dag ngak e pi’in nib mich Kristus u wun’rad rogon e ngongol nib m’agan’ Got ngay ni ngam dag ngorad u rogon e thin ni ga ma yog, ngu rogon pangim, ngu rogon nib t’uf Got nge girdi’ rom, ngu rogon nib mich Kristus u wun’um, ngu rogon ni gab machalbog.

1 Timothy 5:1

Dab mu puwan’ ngak be’ nib mo’on ni be’ nike pilibthir, machane ngam wenig ngak ni gowa ir e chitamam. Ma rogon e ngongol rom ni ngu’um tay ngak e pi’in pumo’on ni kayad ba pagel e ngu’um rin’ ngorad ni gowa yad pi walagem,

1 Timothy 5:3

Mu tayfan e pi’in ni ppin nike yim’ figirngirad, ni pi’in nri dariy be’ ni be ayuwegrad.

2 Timothy 2:22

Mu tem u orel ko tin nma ar’arnag e pi’in pagel, ma ga nameg e tin nib mat’aw, mu um athamgiliy ngu’um par nib mich Kristus u wun’um, ma ba t’uf Got rom nge girdi’, ma ba gapas lanin’um ngam un ngak e pi’in yad ma wenig ngak Somol u fithik’ e leam nib machalbog ni nge ayuwegrad Somol.