1 Samuel 9:3 - Bible Ni Thothup

³ Ma bay boch e gamanman ni dongki ni fak Kish ni karanod ngabang, me ga’ar ngak Saul, “Mfek reb e tapigpig nge un ngom ngam marow ngam gayew fapi dongki.”

1 Samuel 9:3 Σταυροειδείς Αναφορές

Judges 10:4

Immoy guyey i pumo’on ni fak ni uranod u daken guyey i dongki. Ma guyey e binaw rorad u lan fare nam nu Gilead, ni mus ko da’ir ma ki ma yog fithingan ni pi binaw rok Jair.

Judges 5:10

Gimed e pi’in kam afgad nga daken e pi dongki nib wechwech, ni kam pired nga daken e n’en ni kan filath nga daken keru’ e dongki e ngam weliyed murung’agen, ma ku er rogon gimed e pi’in nthingar mmarod u but’ ko gin ngam marod ngay.

1 Samuel 10:14

Be’ ni walagen e chitamngin Saul e guy Saul nge fare tapigpig rok me fithrow ni ga’ar, “U uw e kambow riy?” Me fulweg Saul ni ga’ar, “Gu warow ni gamow be gay fapi dongki. Ma da gu piri’egew ma gamow yan gguyew Samuel.”

1 Samuel 10:2

Nap’an ga ra pageg e daba’ ngam man, ma bay mmada’gow l’agruw i pumo’on u charen e malang rok Rachel ni bay u Zelzah u lan e gin nib mil suwon ngak Benjamin. Ma bay rognew ngom ni fapi dongki ni gimew be gay e ka ni pir’eg, ma chitamam e dakir magafan’ ngorad, i gur e ke magafan’ ngom, ma yugu be fith ni be ga’ar, ‘Mang e nggu rin’ ngak fakag?’

1 Samuel 9:2

Ma bay ba pagel ni fak ni Saul fithingan, ni be’ nib picho’ay. Ma reb e de’ nib n’uw rok urngin e girdi’ nu Israel, ma ku er rogon ni ku ba picho’ay rorad.

1 Samuel 9:20

Ma fapi dongki nike gaman dalip e rran ni karanod ngabang e dab mu rus nigew, ya kan piri’egrad. Machane mini’ e en nrib magan’ piyu Israel ngak? I gur — gur nge girdi’en e tabinaw rok e chitamam.”

1 Samuel 9:4

Miyow yan ngabang i n’en u Efraim ni go’ burey ngu lan e nug nu Shalisha, machane dar piri’egew fapi dongki; aram mranow ngalan e nug nu Shaalim, ma dar piri’egew fapi dongki u rom. Miyow yan ko gin nib mil suwon ko Benjamin, machane ku dar piri’egew fapi dongki u rom.