1 Samuel 9:26 - Bible Ni Thothup

²⁶ me mol u rom. Be puf e woch me pining Samuel Saul ni bay u daken e chigiy ni be ga’ar, “Mu od, nga darow.” Me od Saul ngranow Samuel nga kanawo’.

1 Samuel 9:26 Σταυροειδείς Αναφορές

Genesis 19:14

Me yan Lot i guy fa gali pumo’on ni ngar mabgolgad fa gali ppin ni fak, me ga’ar ngorow, “Mu gur nigew gimew ngam chuwgow u roy; ya SOMOL e nge kirebnag e re binaw ney.” Miyow finey ni be thin ni gosgos.

Genesis 44:4

Kranod ndawor rmal’afgad ko fare binaw nga orel, me ga’ar Josef ngak fare tapigpig nib milfan e naun rok ngak, “Mu fal’eg rogom ngam lek fa picha’. Ma nap’an ni ga ra piri’egrad, me lungum ngorad, “Mangfan ni tin nib kireb e kam rin’ed ni taban e tin ni bfel’ ni kan rin’ ngomed?

Joshua 7:13

Mu suwon ngalang! Mu machalbognag e pi girdi’ nir ngar fal’eged rogorad ni ngarbad nga p’eowcheg. Mog ngorad ni nge gabul ma kar fal’eged rogorad, ni bochan e Gag SOMOL ni Got rok yu Israel e ba’aray e n’en ni nggog: ‘Gimed yu Israel, bay u fithik’ e chugum romed bogi ban’en ni kugog ni ngam kireb naged! Dabiyag ni ngam gelgad ngak e pi to’ogor romed ni fa’anra dab mu chuweged e pin’ey u fithik’med!’

Judges 19:28

Me ga’ar fare pumo’on, “Mu sak’iy nga darow.” Ma de fulweg fare pin. Ma aram me fek fare ldow ko fare pin nge yon’ nga daken fare dongki nib dubchey me yan nga tabnaw.

1 Samuel 9:25

N’apan nra chugad ko fa gin tagil’ e meybil ngranod ngalan binaw, mranod ra ngongliyed rogon e chob rok Saul nga daken e chigiy,

1 Samuel 9:27

Fa’anra tawgow nga taban fare binaw me ga’ar Samuel ngak Saul, “Mog ngak e re tapigpig nir nge m’on rodow.” Me m’on fare tapigpig me ga’ar Samuel, “Yugu mu son nggu weliy ngom e thin ni keyog Got.”