1 Samuel 9:23 - Bible Ni Thothup

²³ Me ga’ar Samuel ngak fa’anem ni girdi’en e lum, “Mfek fare gi ufin i yib ni gu pi’ ngom mu gog ngom ni ngam fal ngabang.”

1 Samuel 9:23 Σταυροειδείς Αναφορές

Genesis 43:34

Mi ni fek e ggan u tebel rok Josef i yib ngorad, mi Benjamin e lal yay urngin e ggan nni pi’ ngak ko ggan nni pi’ ngorad. Ma aram miyad abich miyad unum e wayin ngar felfelan’gad.

1 Samuel 1:5

I Hannah e yug aram rogon ni ir e rib t’uf rok ma ku ta’reb e f’oth nma pi’ ngak, ya SOMOL e kening tafen e bitir u yin Hannah nder diyen.

1 Samuel 9:22

Me pow’iy Samuel Saul nge fare tapigpig rok Saul ngalan ba singgil ni ba ga’ me yog bang ngorow ni bay nga taban e tebel u baley, ni aram e gin ngar pirew ngay, ma girdi’ nike yan e thin ngorad ni ngarbad e yad bay ko re tebel nem ni gonap’an e yad guyey u gubin.

1 Samuel 9:24

Me fek fare girdi’en e lum baraba’ i ay e gamanman nge bang e ufin nni mel’eg ni yagagen nge yib i tay nga m’on rok Saul. Me ga’ar Samuel, “Mu sap, be’er e gin ntay ni fan ngom; mu koy. Gu cha’riy ni ngam koy ko ngiyal’ney ni gadad e pi girdi’ ney ni kug piningrad.” Aram me un Saul ngak Samuel ko abich e rofen nem.