1 Samuel 9:16 - Bible Ni Thothup

¹⁶ “Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”

1 Samuel 9:16 Σταυροειδείς Αναφορές

2 Samuel 3:18

Irera’ e ngiyal nrayag. Kigimed manang ni yog SOMOL ni ga’ar, ‘Bay gu maruwel ngak e tapigpig rog i David nggu cheweg e girdi’ rog nu Israel u pa’ e pi Filistine nge urngin e tin kabay e to’ogor rorad.’”

2 Kings 20:5

ni nge sul ngak Hezekiah, ni ir e ma yog e thin rok e girdi’ rok SOMOL, nge ga’ar ngak, “I gag SOMOL ni Got rok e ga’ rom i David kakrom, e kug rung’ag e meybil rom ma kug guy lu’am. Bay ggol nigem, me nap’an dalip e rran ma ga yan nga Tempel.

Psalms 102:1

SOMOL, mu telim ko meybil rog, mu rung’ag lamag ni gu be yornag e ayuw!

Psalms 106:44

Yug aram rogon machane ma motoyil SOMOL ngorad nnap’an ni yad ra yor ngak, me changar ko gafgow nike yib ngorad.

Psalms 25:18

Mu leamnag urngin e gafgow nike tay lanin’ug nge gafgow ni kug tay, ma ga n’ag fan urngin e denen rog.

Proverbs 16:9

Rayag ni ngam tanomnag e pin’en ni ngam rin’, machane Got e be pow’iy e ngongol rom.

Jeremiah 32:8

Ma aram, e rogon ni yog SOMOL e aramrogon, i Hanamel e yib ngog ngaram ngalan e yoror nge yog ngog ni nggu chuw’iy fagi flang. Ma aram, mri gu nang ni SOMOL e ke non ngog.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Samuel 14:20

Ma aram miyad yan e tirok e salthaw ni ngar chamgad e pi Filistine, ma ke balyang e pi Filistine yad be li’ed yad.

1 Samuel 14:23

Me ayuweg SOMOL piyu Israel e rofen nem, min cham ngan pag yu Bethaven.

1 Samuel 15:1

Me ga’ar Samuel ngak Saul, “I gag e en ke pi’eg SOMOL ni nggu gapgepnag lolugem ngam par ni kam mang pilung rok piyu Israel ni girdi’ rok. Ere mu telim ko thin nike yog SOMOL ni Gubin ma Rayag Rok.

1 Samuel 16:1

Me ga’ar SOMOL ngak Samuel, “Uw n’umngin nap’an ni ngam par ni be kireban’um ngak Saul? Kug chuweg ko pilung ndab kimang pilung nu Israel. Mfek boch e gapgep ko olive, ya nggu l’ugem ngam man nga Bethlehem ngak be’ nib mo’on ni Jesse fithingan, ya kug turguy reb e pagel ni fak ni ir e nge mang pilung.”

1 Samuel 16:3

Ma ga pi’ e thin nge yan ngak Jesse ni nge yib ko re maligach nem ni ngam pi’, ma bay gog ngom e n’en ni ngam rin’. Ma ga liyef e gapgep nga lolugen e en ni bay gog ngom ni ir e nge mang pilung.”